რა წერია ევროსაბჭოს მიერ შემოთავაზებულ ახალ დოკუმენტში პოლიტპატიმრების გათავისუფლებასთან დაკავშირებით

ევროპული საბჭოს პრეზიდენტის, შარლ მიშელის წინადადებით, პოლიტპატიმრებად აღქმული პირები ხელისუფლებასა და ოპოზიციას შორის შეთანხმების გაფორმებიდან 1 კვირის ვადაში უნდა გათავისუფლდნენ.

უფრო კონკრეტულად, პოლიტპატიმრების გათავისუფლების საკითხზე ოპოზიციის მოთხოვნასთან დაკავშირებით, მედიატორის მიერ მომზადებულ ახალ დოკუმენტში არსებული ჩანაწერი ასეთია:

„საქართველოს პოლიტიკური სტაბილურობისათვისა და ამ შეთანხმების შესრულებისთვის, ხელისმომწერები მზადყოფნას გამოხატავენ, რომ ხელშეკრულების გაფორმებიდან 1 კვირის ვადაში მიმართავენ პოლიტიკურ მართლმსაჯულებად აღქმულ საქმეებს, ამნისტიის ან/და იმგვარი ნაბიჯების გადადგმით, რომელიც იმავე შედეგს გამოიღებს“, – ნათქვამია მედიატორ მიშელის წინადადებათა ახალ პაკეტში, რომელიც ხელისუფლებას და ოპოზიციას დღეს გადაეცა.