რა ძირითადი განსხვავებებია ძვირიან და იაფიან ტექნიკას შორის?

რაც უფრო ძვირია, მით უკეთესიაო – ტექნიკის მაღაზიაში ხშირად გვსმენია ასეთი მსჯელობა, როცა ორ მსგავს პროდუქტს, ძვირიანსა და იაფიანს, შორის გვიწევდა არჩევანის გაკეთება. პროდუქტის განსხვავებულ საბაზრო ღირებულებასთან ერთად ისიც უნდა აღვნიშნოთ, რომ ტექნიკის ხარისხიცა და თვისებებიც ხშირად განსხვავდება, რაც, რეალურად, განაპირობებს კიდეც ფასში ამხელა სხვაობას.

წარსულში, კომპიუტერებიც კი საკმაოდ ძვირი ღირდა და ამასთანავე, რთული გამოსაყენებელი იყო. ბევრმა ადამიანმა არც კი იცოდა, როგორ უნდა გამოეყენებინათ კომპიუტერი მისი ჩახლართული ოპერაციული სისტემის გამო. თუმცა, დღეს მსოფლიო მოსახლეობის უმეტესმა ნაწილმა უკვე სრულყოფილადაც კი იცის, როგორ გადააყენოს ვინდოუსი.

თუმცა, ამ სტატიაში ჩვენ განვიხილავთ საყოფაცხოვრებო ტექნიკას და დავადგენთ, ღირს თუ არა ძვირის გადახდა ისეთ ნივთში, რომლის ანალოგიც ბევრად უფრო ხელმისაწვდომ ფასადაც გვაქვს ბაზარზე.

გვჭირდება თუ არა ტექნიკა ყოველდღიურობაში?

დღესდღეობით, ტექნიკა ჩვენი ცხოვრების უდიდეს ნაწილს იკავებს. თუ “მასლოუს მოთხოვნილებათა იერარქია” გახსოვთ, ფსიქოლოგიური მოთხოვნილების ქვეშ ახალი მოწინავე გამოჩნდა, რომელსაც “უკაბელო ინტერნეტი” ჰქვია.

რა თქმა უნდა, ყველა ადამიანი სმარტ გაჯეტებს კომუნიკაციის, სამსახურისა თუ გართობის მიზნით იყენებს. თუმცა, კითხვა მდოგომარეობს შემდეგში: უნდა გადავიხადოთ თუ არა ძვირი ტექნიკაში? გააჩნია. 3 კითხვა არსებობს, რომელიც საკუთარ თავს უნდა დავუსვათ მანამ, სანამ რომელიმე კონკრეტულ ელექტრონულ ტექნიკასა თუ გაჯეტს შევიძენთ: 

• რაში დაგვჭირდება ეს ნივთი? 
• რამდენად ხშირად გამოვიყენებთ ყოველდღიურობაში? 
• რა დროის მანძილზე უნდა გვემსახუროს ეს გაჯეტი?

ამ კითხვებზე პასუხი დაგვეხმარება კონკრეტული ნივთის საჭიროების დადგენაში და მოგცემს უფრო ფართო წარმოდგენას იმაზე, თუ რა ბიუჯეტის დახარჯვა გსურთ. 

მაცივარი ის საოჯახო ელემენტია, რომელიც საკვების ხანგრძლივად შენახვისათვის შეუცვლელი საშუალებაა. ამ პროდუქტის გაყიდვა საუკუნეზე მეტია რაც დაიწყეს და ამ პერიოდის განმავლობაში მნიშვნელოვნად შეიცვალა მისი ვიზუალი თუ ტექნიკური მახასიათებლები. ტექნიკური განვითარების ეპოქაში, თანამედროვე მაცივარი რადიკალურად განსხვავდება მისი წინამორბედისაგან.

ბიუჯეტის განსაზღვრა

ტექნიკის ყიდვისას მნიშვნელოვანია, რომ წინასწარ განსაზღვრულ ბიუჯეტს არ გადავუხვიოთ, თუმცა, ხანდახან დგება მომენტი, როდესაც პროდუქტი და მისი მახასიათებლები იმდენად მოგვწონს, რომ მზად ვართ შავი დღისათვის გადანახული ფულიც კი გავიმეტოთ.

ამ შემთხვევაში მნიშვნელოვანია ზუსტად ვიცოდეთ, რას ვეძებთ ახალ ტექნიკაში და რა სახის ფუნქციები უნდა შეითავსოს მან. მაგალითად, მაცივრის არჩევისას საკმაოდ რთულია დიდი სეგმენტიდან ამოირჩიო ისეთი, რომელიც ინტერიერსაც შეეხამება, ტევადობითაც გამოირჩევა და ამასთანავე, ბიუჯეტურიც იქნება.

მოდით, განვიხილოთ მაცივრის მახასიათებლები და ტიპები.

რა განსხვავება მაცივრის ტიპებს შორის?

მაცივარი ის საოჯახო ელემენტია, რომელიც საკვების ხანგრძლივად შენახვისათვის შეუცვლელი საშუალებაა. ამ პროდუქტის გაყიდვა საუკუნეზე მეტია რაც დაიწყეს და ამ პერიოდის განმავლობაში მნიშვნელოვნად შეიცვალა მისი ვიზუალი თუ ტექნიკური მახასიათებლები. ტექნიკური განვითარების ეპოქაში, თანამედროვე მაცივარი რადიკალურად განსხვავდება მისი წინამორბედისაგან.

საკმაოდ ბევრმა ადმაიანმა არ იცის, რა არსებითი განსხვავება არსებობს მაცივრის ტიპებს შორის. განსაკუთრებულ სხვაობას კი ამ შემთხვევაში დიზაინი და ფუნქციები გვაძლევს. 

• ერთკამერიანი მაცივარი – ერთი კამერისაგან შემდგარი საკვების გაგრილების სისტემაა, რომელსაც საყინულე განყოფილება საერთოდ არ გააჩნია. ზომაში პატარა და ნაკლებად ტევადია, ვიდრე ორკამერიანი მაცივარი. კამერის მაქსიმალური ყინვა 3°C-მდე ადის და მასში მხოლოდ საკვების შენახვაა შესაძლებელი. ამ ტიპის მაცივარი შედარებით უფრო დაბალბიუჯეტურია, რადგან ნაკლებ მახასიათებლებს სთავაზობს მომხმარებლებს.

• ორკამერიანი მაცივარი – მაცივრის ეს ტიპი მოცულობითაც და ზომაშიც ბევრად უფრო დიდია, რაც მის საბაზრო ღირებულებაზეც აისახება. ასევე, ორკამერიანი ტიპის მაცივარს ყინვისა და გაციების უფრო დიდი სიმძლავრე აქვს. 

ორკამერიანი მაცივრის ძირითადი ფუნქცია საკვებისა და მალფუჭებადი პროდუქტებისათვის ტემპერატურის შენარჩუნებაა. ამასთანავე, გააჩნია იზოლირებული საყინულე კამერა, რომელშიც შეგიძლიათ გაყინოთ ხილი ან ნახევარფაბრიკატები. საკვების შემნახველი კამერის მაქსიმალური ყინვა 1°C-3°C-მდე ადის. ხოლო, საყინულე კამერა 0°-ზე ქვემოთ ყინავს. 

• მინი მაცივარი – არ დაგვავიწყდეს, რომ არსებობს მინი მაცივრები, რომლებსაც მოგზაურობისას ატარებენ მანქნააში, ათავსებენ მინი ბართან ერთადაც, ან სააბაზანოში სხვადასხვა თავის მოვლისათვის განკუთვნილ პროდუქტებს ინახავენ. ერთი შეხედვით დეკორატიულ მაცივარს პირნათლად შეუძლია თავისი დანიშნულების შესრულება, რათა გააგრილოს პროდუქტები. მინი მაცივრების მრავალსახეობის მიუხედავად, ეს მცირე ტექნიკა სულაც არ ღირს ძვირი.

ამასთანავე, არსებობს როგორც ერთფრთიანი, პატარა მაცივრები, ასევე, ორფრთიანი, სამფრთხიანი და ოთხფრთიანი ფრანგული სტილის მაცივრები, რომლებსაც ყველაზე ხშირად ევროპის სხვადასხვა ქვეყანაში ვხვდებით ხოლმე. რამდენიმეფრთიანი მაცივრის შერჩევისას უპირველესაც უნდა გავითვალისწინოთ მაცივრის მოცულობა და დიზაინი. ტევადობასთან ერთად ასეთი მაცივრის ვიზუალიც საგრძნობლად განსხვავდება კლასიკურისაგან. მაგალითად, ერთკამერიან მაცივარს 1 ფრთა აქვს, ორკამერიან მაცივარს შეიძლება ერთიდან 4-ფრთამდე ჰქონდეს. მრავალფრთიანი მაცივრების ტევადობა ბევრად დიდია, რადგან კარის მეორე მხარეს უფრო მეტი პროდუქტის ჩაწყობაა შესაძლებელი. ამ სტილის მაცივარი დიდ და მრავალშვილიან ოჯახებს უფრო გამოადგებათ.

 

ყველაზე ჭკვიანი მაცივარი

თანამედროვე სამყაროში კი SMART მოწყობილობების მქონე მაცივრებიც არსეობობს. ჭკვიან მაცივარში მაშინაც შეგიძლიათ ჩაიხედოთ, როდესაც სახლში არ ხართ, რაც იმას ნიშნავს, რომ ყოველთვის, როდესაც გავიწყდებათ რა პროდუქტების ყიდვა გჭირდებათ სუპერმარკეტში, თვალის ერთი შევლებით მოგვარდება ეს პრობლემა. 

ასეთი ჭკვიანი ტექნიკა 2016 წელს წარმოგვიდგინა Samsung-მა, როდესაც Family Hub Box მოდელის მაცივარი გამოუშვა. ამ ინოვაციურ პროდუქტს აქვს სენსორული ეკრანი, რომლის გამოყენებითაც სხვადასხვა აპლიკაციით ისარგებლებთ, ხოლო, ბლუთუზის მეჩვეობით დააკავშირებთ თქვენს ტელეფონსაც და მართავთ ტემპპერატურას. გარდა იმისა, რომ მაცივარში ჩამონტაჟებულია კამერები და შეგიძლიათ აკონტროლოთ დისტანციურად, ამასთანავე, კონკრეტული განყოფილებისათვის ტემპერატურის შეცვლაც შეგიძლიათ. სამსუნგის ამ მაცივარს აქვს მაღალტექნოლოგიური ფილტრი, რომელიც ჰაერს მუდმივ ბრუნვაში ამყოფებს და ტენიანობას აკონტროლებს.

ყველაზე ძვირადღირებული მაცივარი

იცოდით, რომ მსოფლიოში ყველაზე ძვირადღირებული მაცივარი თითქმის $41 ათასი ღირს? იტალიური ბრენდი The Meneghini უკვე რამდენიმე წელიწადია, რაც La Cambusa-ს მოდელის ყველაზე ძვირადღირებულ მაცივარს ყიდის. ტრადიციული მაცივრისაგან მას მხოლოდ ის განასხვავებს, რომ ჩაშენებული ყავის აპარატი და ორთქლის სახარში აქვს. სხვა ყველაფრით იგი იდენტურია კლასიკური მაცივრისა: შეუძლია გაყინოს და შეინახოს საკვები პროდუქტები კონკრეტულ ტემპერატურაზე.

თუმცა, ეს არ ნიშნავს იმას, რომ ეს კონკრეტული მაცივარი საუკეთესოა თავისი ფასის კატეგორიაში, რადგან იგივე ფუნქციებს დაბალბიუჯეტური მაცივარიც შეითავსებს. სურვილის შემთხვევაში კი, შეგიძლიათ ყავის აპარატიც და ორთქლსახარშიც ცალკე შეიძინოთ, ბიუეტურ ფასად. ყველაზე ბიუჯეტური ბრენდების სიაში შემდეგი ბრენდები მოხვდნენ: Midea, LG, TCL, Toshiba.

 

შეჯამება

საბოლოო ჯამში, იმ დასკვნამდე მივდივართ, რომ საუკეთესო პროდუქტი თქვენი სახლისათვის სწორედ ისაა, რომელიც თქვენს ბიუჯეტს შეესაბამება და ამასთანავე, გააჩნია ყველა ის ფუნქცია, რაც თქვენს მოთხოვნილებებს დააკმაყოფილებს. მთავარია, ეს ტექნიკა მოერგოს თქვენს გემოვნებასა და სურვილებს. იმ შემთხვევაში კი, თუ წინასწარ არჩევთ საყოფაცხოვრებო ტექნიკას, ფასის დიაპაზონის კონტროლს დისტანციურადაც შეძლებთ ონლაინ პლატფორმებზე. მაგალითად, ველი სთორის ვებ გვერდზე განთავსბეულია ყველა ზემოთ ჩამოთვლილი ბიუჯეტური ბრენდი. მათი შეძენა საქართველოს ყველა წერტილიდან, მათ შორის გურიიდანაც, არის შესაძლებელი.

აუცილებელი არაა, რომ ყველაზე ძვირადღირებული პროდუქტი გქონდეთ, იმისათვის, რომ მიიღოთ სასურველი შედეგი. განსაკუთრებით კი მაშინ, როდესაც ბაზარი სავსეა ანალოგიური და ბევრად უფრო დაბალფასიანი პროდუქტებით.