რა შემთხვევაში შეძლებენ საქართველოს მოქალაქეები საფრანგეთში შესვლას

საფრანგეთმა საქართველო ნარინჯისფერი ქვეყნების სიაში გადაიყვანა,  – ინფორმაციას საქართველოს საელჩო საფრანგეთში ავრცელებს.

ცნობილი ხდება, რომ საქართველოს მოქალაქეებს საფრანგეთი აძლევს შესაძლობლობას,  ვაქცინაციის სრული კურსის და ბოლო 48 საათში ჩატარებული PCR ტესტის ან ანტიგენზე დაფუძნებული ტესტის უარყოფითი პასუხის წარდგენით საფრანგეთში შესვლას.

პირი სრულად ვაქცინირებულად ჩაითვლება იმ შემთხვევაში თუ:

• Pfizer, Moderna, AstraZeneca – მეორე დოზიდან გასულია 7 დღე;
• ერთდოზიანი ვაქცინის (Johnson & Johnson) მიღებიდან გასულია 4 კვირა;
• COVID გადატანილი პირების აცრიდან გასულია 7 დღე (საჭიროა 1 აცრა);
• პირებმა, რომლებიც ვაქცინირებული იყვნენ სინოფარმის (BBIBP-CorV) და სინოვაკის (CoronaVac) ვაქცინების ორი დოზით, მიიღეს ასევე Pfizer ან Moderna ერთი დოზა და გასულია 7 დღე.

საფრანგეთში შესასვლელად სავალდებულოა ე.წ. ბუსტერის ქონა, თუ ვაქცინის მეორე დოზიდან გასულია 7 თვეზე მეტი. ბუსტერის გარეშე პირი არ ჩაითვლება სრულად ვაქცინირებულად და მასზე გავრცელდება ის პირობები, რაც მოცემულია ქვემოთ, არავაქცინირებულებისათვის. ამასთან, საფრანგეთში შესვლის მომენტისთვის ბუსტერ დოზიდან არ უნდა იყოს გასული 9 თვეზე მეტი.

რაც შეეხება იზოლაცია-კარანტინის წესს არავაქცინირებული პირისთვის, ნარინჯისფერი ზონიდან საფრანგეთში შესული არავაქცინირებული პირი 7-დღიან თვითიზოლაციას (მოქალაქის მიერ წინასწარ დაჯავშნილ ადგილას) ექვემდებარება. 7-დღიანი იზოლაციის ხარჯებს დაფარავს თავად მოქალაქე.

შეგახსენებთ, რომ “ნარინჯისფერ” სტატუსს იღებს ქვეყანა, სადაც კოვიდის გავრცელება კონტროლს ექვემდებარება და სადაც არ ფიქსირდება ვირუსის განსაკუთრებით მძიმე სახეობები.