რა ღონისძიებები იგეგმება ოზურგეთში 26 მაისს

ჩვენთვის ერთ-ერთ ყველაზე მნიშვნელოვან ეროვნულ დღესასწაულს – 26 მაისს, საქართველოს დამოუკიდებლობის დღეს საზეიმო ღონისძიებით აღვნიშნავთ – ამის შესახებ ოზურგეთის მერმა, ავთანდილ თალაკვაძემ, მერიაში გამართულ სხდომაზე განაცხადა.

„ძვირფასო თანამოქალაქეებო, მინდა გითხრათ, რომ ოზურგეთში ტრადიციულად, საზეიმო ღონისძიებით აღვნიშნავთ ჩვენთვის ერთ-ერთ ყველაზე მნიშვნელოვან ეროვნულ დღესასწაულს – 26 მაისს, საქართველოს დამოუკიდებლობის დღეს!  ღონისძიება, საქართველოს მთავრობის ადმინისტრაციის, ოზურგეთის მერიის და სოფლის განვითარების სააგენტოს ერთობლივი ორგანიზებით, ქალაქის ცენტრალურ მოედანზე გაიმართება. მოწვეული მუსიკოსების და ადგილობრივი ანსამბლების კონცერტი, ღვინის გამოფენა-გაყიდვა, დეგუსტაცია; კულინარიის კუთხე; საბავშვო ატრაქციები და გასართობი პროგრამა – ეს ყველაფერი თქვენთვის და თქვენი ოჯახებისთვის 26 მაისს იგეგმება ოზურგეთში. გიწვევთ ყველას, ერთად ვიზეიმოთ საქართველოს დამოუკიდებლობის დღე!,“- აღნიშნა ოზურგეთის მერმა