რა ღირს დღეს ოზურგეთში თხილი და წაბლი

ოზურგეთში თხილის ფასი კვლავ ძალიან დაბალია. როგორც თხილის მიმღებ პუნქტებში ამბობენ, თხილის ჩაბარებაც შემცირებულია, რადგან დაბალი ფასის გამო თხილის მეპატრონეები პროდუქტის გაყიდვისგან თავს იკავებენ.  შესაბამისად, უკვე მცირეა თხილის რეალიზატორების რაოდენობაც. ამ ეტაპზე, დღეის მონაცემებით,  გამშრალი, ე.წ. ხმელი თხილის ფასი ამგვარად გამოიანგარიშება: ბერძნულას ჯიშის თხილის ერთი საღი გულის ფასი 55-60 თეთრია, ნარევი თხილის ფასი კი 50 თეთრი. რაც შეეხება ახალ თხილს, მისი ფასი კილოგრამობით გამოიანგარიშება და ერთი კილოგრამი 1,50 ლარი ღირს.  შემცირებულია წაბლის ფასიც. ერთი კილოგრამი წაბლის ღირებულება 2 ლარიდან 4 ლარამდე მერყეობს, ფასი პროდუქტის ხარისხზეა დამოკიდებული.