რა ღირს ბინები თბილისის სხვადასხვა უბანში

უძრავი ქონების ფასები 2022 წლის მესამე კვარტალში გასული წლის ანალოგიურ პერიოდთან შედარებით 10,7%-ით გაიზარდა. ფასების ინდექსის მონაცემები (RPPI) საქსტატმა გამოაქვეყნა.

მშენებლობისა და უძრავ ქონებასთან დაკავშირებული საქმიანობების სექტორები საქართველოს ეკონომიკის მნიშვნელოვან ნაწილს წარმოადგენს.

• საქსტატი უძრავი ქონების ფასებს ლარში ითვლის, რაც ნიშნავს იმას, რომ ინდექსზე გავლენას ეროვნული ვალუტის გაცვლითი კურსიც ახდენს.

უბნების მიხედვით ფასები მკვეთრად განსხვავდებოდა ერთმანეთისგან. 1მ² ბინა ყველაზე ძვირი მთაწმინდაზე ღირს, ყველაზე იაფი — სამგორში.

• მთაწმინდა — 4 931 ლარი;
• ვაკე — 4 129 ლარი;
• საბურთალო — 3 128 ლარი;
• ჩუღურეთი — 2 874 ლარი;
• დიდუბე — 2 701 ლარი.

კვლევის მიხედვით მესამე კვარტალში ბინები 10.9%-ითაა გაძვირებული, კერძო სახლები 10%-ით.

• ბინების მსგავსად კერძო სახლების ყველაზე ძვირი მთაწმინდაზეა და 1მ²-ის ფასი 3456 ლარს აღწევს.
• გარდა ამისა მიმდინარე წლის მესამე კვარტალში თბილისში 1მ² ბინის საშუალო ღირებულება მწვანე კარკასის მდგომარეობით 3 115 ლარს შეადგენდა, თეთრი კარკასი — 2585 ლარს და შავი კარკასი — 2 326 ლარს.