რა ფასად შემოდის და გადის მწვანილი საქართველოში , რომელიც ყველაზე მეტად გაძვირდა

წელს აგვისტოში, გასული წლის ანალოგიურ პერიოდთან შედარებით, საკვებ პროდუქტებს შორის, ყველაზე მეტად მწვანილი გაძვირდა. საქსტატის მონაცემებით, ფასის ზრდამ 75% შეადგინა.

თუმცა, აღსანიშნავია, რომ წელს იმპორტთან ერთად, გაიზარდა ადგილობრივი ექსპორტიც, შემოტანილი პროდუქტის ფასი კი 4-ჯერ ნაკლებია, ადგილობრივად წარმოებულზე.

ამასთან, წელს საქართველოს მწვანილის შემოტანა უფრო იაფი დაუჯდა, ვიდრე გასულ წელს.

საქსტატის მონაცემებით, წელს 8 თვეში საქართველომ 1,209 ტონა (341.9 ათასი დოლარი) მწვანილის (ჩამონათვალშია მწვანილის სახეობების 80%) იმპორტი განახორციელა, რაც გასული წლის ანალოგიური პერიოდის რაოდენობრივ მაჩვენებელზე 79%-ით მეტია, თანხობრივზე კი – მხოლოდ 34%-ით. უფრო კონკრეტულად, თუ შარშან 8 თვეში 1 კგ პროდუქტი 0,37 აშშ დოლარი უჯდებოდა, წელს 0,28 აშშ დოლარი უჯდება.

რაც შეეხება ადგილობრივ ექსპორტს, 2023 წლის 8 თვეში 2,861 ტონა პროდუქტი 3,362 მლნ აშშ დოლარად გაიყიდა, რაც ნიშნავს იმას, რომ 1 კგ პროდუქტს ქვეყანა 1,17 დოლარად ყიდის.

 გთავაზობთ იმ ქვეყნების ჩამონათვალს, საიდანაც წელს მწვანილის ძირითადი სახეობები შემოვიდა:

• ირანი – 823.8 ტონა (153.4 ათასი აშშ დოლარი)
• სომხეთი – 294 ტონა (117.6 ათასი აშშ დოლარი)
• რუსეთი – 32 ტონა (16.6 ათასი აშშ დოლარი)
• უზბეკეთი – 31 ტონა (20.1 ათასი აშშ დოლარი)
• თურქეთი – 21.9 ტონა (5.05 ათასი აშშ დოლარი)
• ნიდერლანდები – 5.3 ტონა (18.9 ათასი აშშ დოლარი)
• ისრაელი – 1.36 ტონა (8.6 ათასი აშშ დოლარი) საფრანგეთი – 0.12 ტონა (1.45 ათასი აშშ დოლარი)

ქვეყნები, სადაც წელს 8 თვეში ადგილობრივ წარმოების მწვანილის ძირითადი სახეობები გავიდა:

• უკრაინა – 1 529 ტონა (1,828 მლნ აშშ დოლარი)
• რუსეთი – 1 024 ტონა (911.7 ათასი აშშ დოლარი)
• მოლდოვა – 207.6 ტონა (491.1 ათასი აშშ დოლარი)
• სომხეთი – 30.5 ტონა (39.5 ათასი აშშ დოლარი)
• პოლონეთი – 28.2 ტონა (19.7 ათასი აშშ დოლარი)
• რუმინეთი – 26.5 ტონა (42.6 ათასი აშშ დოლარი)
• საბერძნეთი – 14.2 ტონა (25.5 ათასი აშშ დოლარი)
• ლატვია – 0.6 ტონა (3.1 ათასი აშშ დოლარი)]

წყარო – BPN.GE