ზოგადი განათლების ბაზრის მთლიანი ღირებულება 2023 წელს 1.5 მილიარდ ლარს აღემატება და ზრდაა მოსალოდნელი მომდევნო წელსაც, 11%-იანი წლიური ზრდის ტემპით. ამის შესახებ „თიბისი კაპიტალის“ კვლევაშია აღნიშნული.
„2022/2023 სასწავლო წელს 2 086 საჯარო და 216 კერძო სკოლა ფუნქციონირებდა საქართველოში. საჯარო სკოლების რაოდენობა თითქმის უცვლელია, ხოლო კერძო სკოლების რაოდენობა ბოლო წლების განმავლობაში კლებულობს,“- აღნიშნულია კვლევაში.
ამასთან, კვლევის თანახმად, კერძო სკოლების ფასი მზარდია და 2022/2023 სასწავლო წელს საშუალოდ 6 500 ლარი შეადგინა. კვლევის ავტორების შეფასებით, მომდევნო წელსაც მოსალოდნელია ფასების 5-10%-იანი ზრდა.
რაც შეეხება ზოგად განათლებას, ერთ მოსწავლეზე გათვლილი ფინანსური ნორმატივის შესაბამისი ვაუჩერით სახელმწიფო სრულად აფინანსებს.
„2023 წელს მთავრობის დადგენილებით სკოლების დაფინანსებაში ცვლილება შევიდა და დაფინანსება მერყეობს 504-852 ლარის ფარგლებში. სკოლებს თანხები ენიჭებათ ფორმულის საფუძველზე, რომელიც ძირითადად მორგებულია სკოლაში მოსწავლეთა რაოდენობასა და სკოლის მდებარეობაზე.
საჯარო სკოლებს სტანდარტული ვაუჩერის გარდა, განესაზღვრებათ საბაზო დაფინანსება, რომელიც 45 000-დან 94 ათასამდე მერყეობს,“ – აღნიშნულია კვლევაში
Loading ...
