რა სიმპტომები ახასიათებს A ტიპის ვირუსს, რომლის შემთხვევებმა იმატა ქვეყანაში

გრიპის სეზონი აქტიურ ფაზაშია. მაღალი სიცხე, სისუსტე, თავისა და სახსრების ტკივილი – ამ სიმპტომებით ექიმებს სულ უფრო მეტი ადამიანი მიმართავს. განსაკუთრებული რისკის ჯგუფში მცირეწლოვანი ბავშვები, ორსულები და ხანდაზმულები არიან.

ექიმები აცხადებენ, რომ გაზრდილია მიმართვიანობა ციციშვილის ბავშვთა პედიატრიულ კლინიკაშიც. ვირუსის შემთხვევების მატება იანვრის ბოლოსაა მოსალოდნელი.

ექიმების რეკომენდაცია ვირუსის საწინააღმდეგო აცრის ჩატარება.

„ყველაზე მეტი შემთხვევებიდან, სადღაც 25%-მდე სრული ავადობის A ტიპის გრიპის ვირუსზე მოდის. ასევე, გავრცელებულია ამ სეზონზე რესპირატორულ-სინციტიური ვირუსი, რომლის გამოც 0-იდან 2 წლამდე ასაკის ბავშვები ხვდებიან კლინიკაში. გავრცელებულია, ასევე, ადენოვირუსი“, – აცხადებს ციციშვილის სახელობის ბავშვთა ახალი კლინიკის სამედიცინო დირექტორი მაია ჩხაიძე.

ექიმი ინფექციონისტი ალექსანდრე გოგინავა მოსახლეობას ვაქცინაციისკენ და ჰიგიენური ნორმების დაცისკენ მოუწოდებს.

„ამ ეტაპზე A ტიპის ვირუსი ცირკულირებს, რომელსაც ახასიათებს მწვავე დასაწყისი – მაღალი ცხელება, სახსრების, კუნთების, ყელის და თავის ძლიერი ტკივილი, მშრალი ხველა, საერთო სისუსტე და ინტოქსიკაცია. მიმდინარეობა დაახლოებით 3-5 დღემდეა, მაგრამ გართულებულ შემთხვევაში 2 კვირამდე გაგრძელდეს. მოსალოდნელია, იანვრის პერიოდში შემთხვევის მზარდი ტენდენცია იყოს. ძალიან კარგი იქნება, თუ რისკჯგუფები ჩაიტარებენ ვაქცინაციას“, – აცხადებს ალექსანდრე გოგინავა.

კომენტარები