რა საკითხები განიხილეს ტრამპმა და პუტინმა სატელეფონო საუბრისას

“მე ახლახან დავასრულე სატელეფონო საუბარი რუსეთის პრეზიდენტ ვლადიმერ პუტინთან და ეს იყო ძალიან პროდუქტიული.”

“პრეზიდენტმა პუტინმა მოგვილოცა მე და შეერთებულ შტატებს დიდი მიღწევა – მშვიდობა ახლო აღმოსავლეთში, რაზეც, მისი თქმით საუკუნეების განმავლობაში ოცნებობდნენ. მე ნამდვილად მჯერა, რომ ახლო აღმოსავლეთში წარმატება დაგვეხმარება ჩვენს მოლაპარაკებებში, რათა დავასრულოთ ომი რუსეთსა და უკრაინას შორის.”

“პრეზიდენტმა პუტინმა მადლობა გადაუხადა პირველ ლედის, მელანიას, ბავშვებთან დაკავშირებით ჩართულობისთვის. ჩვენ ასევე დიდი დრო დავუთმეთ ვაჭრობაზე საუბარს რუსეთსა და შეერთებულ შტატებს შორის, მას შემდეგ რაც უკრაინასთან ომი დასრულდება. საუბრის დასასრულს, შევთანხმდით, რომ მომავალ კვირას გაიმართება ჩვენი მაღალი დონის მრჩევლების შეხვედრა.”

“შეერთებული შტატების საწყის შეხვედრებს უხელმძღვანელებს სახელმწიფო მდივანი მარკო რუბიო, სხვა პირებთან ერთად. შეხვედრის ადგილი ჯერ კიდევ დასადგენია. შემდეგ მე და პრეზიდენტი პუტინი შევხვდებით შეთანხმებულ ადგილას, ბუდაპეშტში, უნგრეთში, რათა ვნახოთ, შეგვიძლია თუ არა ბოლო მოვუღოთ ამ უსახელო ომს რუსეთსა და უკრაინას შორის.”

“პრეზიდენტ ზელენსკის მე შევხვდები ხვალ, ოვალურ კაბინეტში, სადაც განვიხილავ ჩემს საუბარს პრეზიდენტ პუტინთან და ბევრ სხვა საკითხს. მე მჯერა, რომ დღევანდელი სატელეფონო საუბრით დიდი პროგრესი იქნა მიღწეული.”