რა საერთო დანაკარგს მოიცავს რუსეთის საბრძოლო არმია

ომის დაწყებიდან დღემდე, უკრაინული ძალების მიერ რუსეთის 51 900 ჯარისკაცია ლიკვიდირებული, მათგან 650 ბოლო დღე-ღამეში. ამის შესახებ ინფორმაციას უკრაინის შეიარაღებული ძალების გენერალური შტაბი ავრცელებს.

უწყების ცნობით, უკრაინელებმა ბოლო ერთ დღეში ასევე გაანადგურეს რუსების კუთვნილი 10 ტანკი, 18 ჯავშანმანქანა, 1 ვერტმფრენი და სხვა სახის ტექნიკა.

უკრაინაში შეჭრის დღიდან რუსების საერთო დანაკარგები კი მოიცავს: 2122 ტანკს, 4575 ჯავშანტექნიკას, 1237 ერთეულ საარტილერიო სისტემას, 306 ერთეულ მრავალჯერად სარაკეტო სისტემას, 159 ერთეულ საჰაერო თავდაცვის სისტემას, 239 საბრძოლო თვითმფრინავს, 211 ვერტმფრენს, 888 ოპერატიულ-ტაქტიკურ უპილოტო საფრენ აპარატს, 15 გემს/ნავს, 3399 სხვადასხვა ავტომობილსა და ტანკერს, 114 ერთეულ სპეცტექნიკას და 214 ფრთოსან რაკეტას.