რა საახალწლო ღონისძიებები გაიმართება ოზურგეთში დღეს

ოზურგეთში დღეს წლის მთავარი საახალწლო ღონისძიებისთვის ემზადებიან. მოსამზადებელი სამუშაოები ქალაქის მთავარ მოედანზე მიმდინარეობს. მონტაჟდება სცენა და სხვადასხვა დეკორაცია. 16 საათიდან ქალაქში საახალწლო გამოფენა-გაყიდვა და ბავშვებისთვის საინტერესო აქტივობები დაიწყება. პატარების განწყობაზე სანტა-კლაუსი და ანიმატორები იზრუნებენ. 17 საათიდან კი დაიწყება კონცერტი ადგილობრივი შემოქმედებითი ანსამბლების მონაწილეობით, რომელშიც მონაწილეობას სახელმწიფო ანსამბლი “გურია”, ბენდი “გურია” და ანსამბლი “რეხეული” მიიღებენ. მოეწყობა საშობაო ბაზრობა, ტერიტორიაზე განთავსდება ხის საახალწლო სახლები, ფოტოგადასაღები სტენდები და ინსტალაციები. უკვე 19 საათზე კი ქალაქის მთავარი ნაძვის ხე საზეიმოდ აინთება და ღონისძიებები გალა-კონცერტით გაგრძელდება. ღონისძიებები და კონცერტი გრანდიოზული ფოიერვერკით დასრულდება.