უამინდობა და ინტენსიური თოვა გურიის რეგიონში გრძელდება. ნალექის შედეგად თოვლის საფარმა მაღალმთიან სოფლებში 1 მეტრს მიაღწია. შესაბამისი ტექნიკა და ცოცხალი ძალა სამივე მუნიციპალიტეტში წმენდს გზებს, შესაბამისად, გადაადგილების პრობლემა ოზურგეთსა და ლანჩხუთში თითქმის არ არის. განსხვავებით ჩოხატაურისგან, სადაც შიდა გზების პრობლემაა. თოვლმა ელექტროენერგიის მიწოდების კუთხით პრობლემა შეიქმნა ოზურგეთის მუნიციპალიტეტის ორ სოფელში, მაკვანეთსა და წითელმთაში. თუმცა, ხელისუფლების ინფორმაციით, ენერგო- პრო-ჯორჯიას ტექნიკური ბრიგადები უწყვეტ რეჟიმში მუშაობენ და პრობლემა უახლოეს საათებში გადაიჭრება. რაც შეეხება ბუნებრივ აირს, ხელისუფლების ინფორმაციით, მიწოდების პროცესი შეფერხების გარეშე მიმდინარეობს.
კომენტარები
Loading ...