დღეს დედაენის დღეა. 1978 წლის 14 აპრილის მოვლენების აღსანიშნავად, 14 აპრილს დედაენის დღე საქართველოში 1990 წლიდან აღინიშნება.
42 წლის წინ, 1978 წლის 14 აპრილს, თბილისში ათასობით ადამიანმა , მათ შორის უმრავლესობა სტუდენტებმა საბჭოთა კონსტიტუციაში შეტანილი ცვლილება გააპროტესტა. ცვლილება , რომლითაც ქართული ენა სახელმწიფო ენის სტატუსს კარგავდა.
საპროტესტო აქცია სახელმწიფო უნივერსიტეტის წინ დაიწყო და რუსთაველზე გაგრძელდა. მაშინდელი უმაღლესი საბჭოს, დღევანდელი პარლამენტის, შენობის წინ შეკრებილი ხალხი დილიდან ელოდა საბოლოო გადაწყვეტილებას.
სესიაზე თავისი ერთსაათიანი გამოსვლის ბოლოს ედუარდ შევარდნაძემ განაცხადა, რომ სახელმწიფო ენად ქართული ენა დარჩებოდა.
14 აპრილი საქართველოში დედაენის დღედ 1990 წელს გამოცხადდა.
სიმბოლურია ისიც, რომ დედა ენას ძეგლი პირველად საქართველოში 30 წლის წინ დაუდგეს. სკულპტურა ელგუჯა ამაშუკელსა და ნოდარ მგალობლიშვილს ეკუთვნით.
Loading ...