რა მდგომარეობაა ოზურგეთის საჯარო სკოლებში გართულებული ეპიდსიტუაციის ფონზე

ამ წუთის მონაცემებით ოზურგეთის მუნიციპალიტეტში გართულებული ეპიდსიტუაციის გამო ორი საჯარო სკოლა სწავლების სრულად დისტანციურ რეჟიმზეა გადასული, ორი კი ჰიბრიდულზე. სრულად ონლაინ სწავლებაზე, როგორც საზოგადოებრივი ჯანდაცვის ცენტრში გვითხრეს, სოფელ მელექედურისა და დაბა ნასაკირალის სკოლების გადაყვანა გახდა საჭირო. აღნიშნულ სკოლებში ვირუსი , როგორც მოსწავლეებში ასევე პედაგოგებში დაფიქსირდა. რაც შეეხება N 1 და მერიის საჯარო სკოლებს, აქ სასწავლო პროცესი ჰიბრიდული რეჟიმით მიმდინარეობს. მერიის საჯარო სკოლაში ექვსი კლასია ონლაინ სწავლებაზე გადასული, N1 სკოლაში კი ერთი.