საქართველოს მთავრობის გადაწყვეტილებით, 13 000-მდე დევნილი ოჯახი საცხოვრებელ ფართებს მიიღებს. აქედან, 7 000-მდე დევნილ ოჯახს ახალაშენებულ კორპუსებში, თანამედროვე სტანდარტების, სრულად გარემონტებულ, ახალ ბინებს გადასცემენ. 6 000-მდე ოჯახი კი „სოფლად სახლის“ პროგრამის ფარგლებში დაკმაყოფილდება.
– „სოფლად სახლის“ პროექტი, მთელი ქვეყნის მასშტაბით წარმატებით მიმდინარეობს და მასში ჩართვის მსურველი დევნილი ოჯახების რიცხვი წელს მნიშვნელოვნად გაიზარდა. 2022 წლის აგვისტოს თვის მონაცემებით, სააგენტომ სოფლად სახლი უკვე 1800-მდე (1791) ოჯახს შეუსყიდა და ეს პროცესი უწყვეტ რეჟიმში გრძელდება.
რაც შეეხება მოთხოვნას რეგიონების მიხედვით, პროგრამის ფარგლებში, ყველაზე მეტი ოჯახი სამეგრელოს, აჭარისა და იმერეთის რეგიონებში განსახლდა. განაცხადა ირაკლი მხეიძემ
ამ პროგრამის ფარგლებში განაცხადის შევსება შეუძლია ნებისმიერ დევნილ ოჯახს, რომელიც სახელმწიფოს მხრიდან საცხოვრებლით უზრუნველყოფილი არ არის. განაცხადის გაკეთება შესაძლებელია, ნებისმიერ დროს, როგორც სააგენტოსა და მის ტერიტორიულ სამსახურებში, ისე ქვეყნის მასშტაბით არსებულ იუსტიციის სახლებში.
– პროექტის ფარგლებში, კომისია განიხილავს იმ დევნილი ოჯახების საკითხს, რომლებსაც განსახლების კრიტერიუმების შესაბამისად მინიჭებული აქვთ 1 ან მეტი ქულა. სააგენტოს მონიტორინგის სამსახური თითოეული ოჯახის საცხოვრებელ პირობებსა და საჭიროებებს ადგილზე შეისწავლის, მოკვლეული მასალა გადაწყვეტილების მისაღებად კომისიას გადაეცემა.
იძულებით გადაადგილებულ პირთა განსახლების პროგრამა 2022 წელს დაიწყო და 13 000-მდე დევნილი ოჯახი, 3 წლის განმავლობაში განსახლდება.
წყარო-primetime.ge
Loading ...
