რა გახდა ზელენსკის მიერ საქართველოდან ელჩის გაწვევის მიზეზი – უკრაინის საელჩო

საქართელოში უკრაინის ელჩის მოვალეობის შემსრულებელმა, ანდრეი კასანოვმა, ვოლოდომირ ზელენსკის მიერ უკრაინის ელჩის გაწვევაზე ილაპარაკა და თქვა, რომ ამას ორი საკვანძო მიზეზი აქვს: საქართველოს მთავრობის ამორალური პოზიცია საქნციებზე და მოხალისეების უკრაინაში არგაშვება.

“დღეიდან დროებითი რწუნებულის ფუნქციებს ვახორციელებ. როგორც ცნობილია თქვენთვის, უკრაინის პრეზიდენტმა გაიწვია უკრაინის ელჩი კონსულტაციებისთვის, ამას ჰქონდა ორი საკვანძო მიზეზი: პირველი არის საქართველოს მთავრობის ამორალური პოზიცია, რომელიც უკავშირდება სანქციებს, რომლებიც რუსეთის წინააღმდეგ იყო დაწესებული უკრაინაში ომის გაჩაღებასთან დაკავშირებით.

მეორე მიზეზია გადაწყვეტილების არმიღება, რომელიც მოხალისეების გაგზავნას უკავშირდება ჩვენი ჯარის დასახმარებლად. არსებობს კიდევ ბევრი საკითხი, რომელიც უნდა იყოს განხილული კონსულტაციებისას. მე მინდა გითხრათ, რომ ეს არის ყველაფერი რისი კომენტირებაც შემიძლია აღნიშნულ საკითზე”, – თქვა კასანოვმა.