2021 წლის თხილის მოსავლის ექსპორტიდან მიღებული შემოსავალი $84.5 მილიონი დოლარია, ექსპორტის მოცულობა წინა წელთან შედარებით 4 ათასი ტონით არის გაზრდილი, საექსპორტო შემოსავალი კი 8.3 მილიონით.
BMG-მ საქსტატიდან გამოითხოვა ინფორმაცია თხილის ყველაზე მსხვილი ექსპორტიორი კომპანიების შესახებ. ერთ-ერთი მათგანი შპს Georgian Hazelnut Corporation-ია, რომელიც გურიაში მდებარეობს. როგორც მისი ხელმძღვანელი ამბობს, გასულ წელს ჯამში დაახლოებით 500 ტონა თხილი გაიტანეს ექსპორტზე. მისივე თქმით, კომპანიას თხილის პლანტაციები არ აქვს და საექსპორტო პროდუქციას სრულად ფერმერებისგან ყიდულობს.
“საკმაოდ წარმატებული წელი იყო. ჩვენი ძირითადი ბაზრებია ევროკავშირისა და გალფის ქვეყნები [საუდის არაბეთი, ბაჰრეინი, არაბთა გაერთიანებული საემიროები, ქუვეითი, ომანი და კატარი]. ჩვენი კომპანიის შემთხვევაში 2020 წელთან შედარებით შარშან ექსპორტი გავასამმაგეთ. მართალია გურიაში გვაქვს ოფისი, თუმცა საექსპორტო თხილი ზოგ შემთხვევაში საქართველოს სხვადასხვა რეგიონებიდანაც მოგვაქვს. ვფიქრობთ, მომავალ სეზონამდე [მაისი-ივნისი] თხილის ექსპორტში 1000 ტონამდე ავალთ”,-აცხადებს თეიმურაზ გოგია Georgian Hazelnut Corporation-ის გენერალური დირექტორი.
“გამოწვევა სამწუხაროდ, დღეს კიდევ არის ფაროსანას პრობლემა და ის, რომ თხილის მოვლის კულტურა ზოგადად არ გვაქვს. კიდევ ერთი პრობლემა ისაა, რომ ქვეყანაში მსხვილი ფერმერული მეურნეობი ძალიან იშვიათია. ასევე ძალიან გაძვირდა ყველაფერ მათ შორის შხამქიმიკატები, რასაც გლეხი ვეღარ აუდის და ნელ-ნელა ინტერესს კარგავს.
სახელმწიფომ ძალინ კარგი დახმარება გაგვიწია ჩვენც და ფერმერებსაც იმ ორი წლის განმავლობაში, როცა ფაროსანას შემოსავა იყო. სამწუხაროდ, ეს ტემპი ცოტა შენდელდა და ამას ყურადღება იმდენად აღარ ექცევა.
რასაც ვხედავთ არსებულ სიტუაციას მომავალ წელს თუ ასე გაგრძელდა და წამლობა არ ჩატარდა, ძალიან გაგვიჭირდება. დავბრუნდბით იმ სამიწლისწინანდელ ნიშნულზე, როცა ძალიან ცუდი ხარისხის თხილი გვქონდა”,-აცხადებს თეიმურაზ გოგია Georgian Hazelnut Corporation-ის გენერალური დირექტორი.
Loading ...
