რა აშენდება ბათუმში ჩამონგრეული კორპუსის ნაცვლად – მერიის განმარტება

ბათუმში, 26 მაისის ქუჩაზე ჩამონგრეული სახლის დემონტაჟის შემდეგ, ადგილზე ახალი, დაახლოებით იმავე ზომის კორპუსი აშენდება. ამის შესახებ ბათუმის მერის მოვალეობის შემსრულებელმა, ლელა სურმანიძემ განაცხადა.

მანამდე მერია დაზარალებულებს მათ მიერვე შერჩეული ბინების ქირის გადახდას სთავაზობს. ასევე, დანგრეული კორპუსების მეპატრონეებს შეუძლიათ, აირჩიონ ბინები მერიის საბინაო ფონდის 61 ბინიდან, რომელიც დღეს თვითმმართველობამ აჭარის მთავრობას გადასცა. ქალაქის ცენტრიდან შედარებით პერიფერიაში გადასვლის შემთხვევაში, ბინების შეფასების მიხედვით, მფლობელებს გადაეცემათ ზედმეტი ფართი.

ბინები მფლობელებს ჩაბარდებათ გარემონტებულ მდგომარეობაში, ასევე გადაეცემათ ფულადი კომპენსაციაც.

წყარო: ajara.news