ოზურგეთის ძველი მოწვევის საკრებულომ 2022 წლის ბიუჯეტის პროექტის განხილვა დაიწყო. პროექტის მიხედვით, ოზურგეთის ბიუჯეტი 27650,0 ათასი ლარით განისაზღვრა. ბიუროს სხდომაზე მერიის საფინანსო განყოფილების წარმომადგენლებმა დეპუტატებს პრიორიტეტების დოკუმენტი გააცნეს. ინფრასტრუქტურა, დასუფთავება , გამწვანება, განათლება, კულტურა, ახალგაზრდობა, სპორტი, ჯანდაცვა და სოციალური სფერო – ეს კვლავ პრიორიტეტულ საკითხებად რჩება. ჩამონათვალს ადგილობრივი ეკონომიკის განვითარების ხელშეწყობა და მმართველობა ემატება. ბიუჯეტის პროექტშივე განსაზღვრულია ადმინისტრაციული ხარჯები – საკრებულოს დაფინანსება 1250,0 ლარით მოხდება, მერიისა კი 3817,0 ლარით. 19 ნოემბრიდან ,მთავარი საფინანსო დოკუმენტის შესახებ კომისიები და ფრაქციები იმსჯელებენ. განხილვები 25 ნოემბრამდე გასტანს.
კომენტარები
Loading ...