საქართველოს ჩემპიონი და ევროპის ჩემპიონატის ვერცხლის პრიზიორი იური ლომაძე ძმასთან, ლუკა ლომაძესთან და ნათესავ ახალგაზრდა მამაკაცებთან ერთად თავისუფლების უკანონოდ აღკვეთისა და ჯგუფური ძალადობის ბრალდებით დააკავეს.
როგორც ინფორმაცია ვრცელდება, საქმე ლომაძეების ნათესავ გოგონას ეხება. რის გამოც გოგონას ნათესავმა იური ლომაძემ სხვებთან ერთად 1988 წელს დაბადებული ნ.ძ. ბათუმში დაიჭირა, მათ უკანონოდ აღუკვეთეს თავისუფლება მამაკაცს და ოზურგეთში, სოფელ ბოხვაურში ჩამოიყვანეს, სადაც მასზე ფიზიკურად ძალადობდნენ.
სოფელ ბოხვაურში,ინციდენტის სავარაუდო ადგილზე კომენტარს არ აკეთებენ და კამერებს ემალებიან.
კომენტარს არ აკეთებენ არც იური ლომაძის ოჯახში. მეზობლები კი ამბობენ, რომ მათთვის ეს ამბავი უსიამოვნო სიურპრიზია, რადგან ლომაძეების ოჯახი და თავად იური ლომაძე ქალაქში კარგი რეპუტაციით სარგებლობს.
თავისუფლების უკანონო აღკვეთისა და ჯგუფური ძალადობის ფაქტზე გამოძიება საქართველოს სისხლის სამართლის კოდექსის 143-ე მუხლის მესამე ნაწილის „ა“ ქვეპუნქტით და 126-ე მუხლის პირველი პრიმა ნაწილის „ბ“ ქვეპუნქტით მიმდინარეობს.
Loading ...