"რაღაცნაირად მრცხვენია" _ რატომ იყო "BBC"-ის გადამღები ჯგუფი ლანჩხუთში

“BBC”-მ ლანჩხუთელ პედაგოგზე, ლადო აფხაზავაზე, რომელმაც გასულ წელს საუკეთესო მასწავლებლის ტიტული მოიპოვა და მსოფლიოს საუკეთესო მასწავლებლების ხუთეულშიც მოხვდა ფილმი გადაიღო.

ჟურნალისტ დათო ლიკლიკაძის ინფორმაციით, ეს ფილმი სტამბულის პედაგოგთა საერთაშორისო კონფერენციაზე აჩვენეს:

“სტამბულის პედაგოგთა საერთაშორისო კონფერენციაზე გაუშვეს “BBC”-ის ფილმი ლადო აფხაზავაზე. აი ასე- ბი ბი სი ჩასულა ლანჩხუთის სოფელ ჩიბათში და ფილმი გადაიღო პედაგოგზე.

მგონია, რომ ბედნიერი უნდა იყოს ჩვენების შემდეგ. ტაშით დაინგრა დარბაზი. ლადო კი წუხს.

ვეკითხები _  რა გჭირს ლადო?

_ რა ბიჭო და… ამდენი კაი საჭმელებია აქ და რაღაცნაირად მრცხვენია მე რომ აქ ვარ და არ ვიცი რას ჭამენ ჩემი ბოვშები სოფელში…”, _წერს ლიკლიკაძე სოციალურ ქსელში.