რატომ წავიდა ლანჩხუთის საზოგადოებრივი ჯანდაცვის ცენტრის ხელმძღვანელი თანამდებობიდან?

დღეს ცნობილი გახდა, რომ ლანჩხუთის საზოგადოებრივი ჯანდაცვის ცენტრის ხელმძღვანელი ლადო ჩხაიძე თანამდებობიდან წავიდა. როგორც ლანჩხუთის მუნიციპალიტეტის მერიაში აცხადებენ, ჩხაიძემ სამსახური თავისი ნებით დატოვა და განცხადებაცხ თავად დაწერა.

ჩვენ საზოგადოებრივი ჯანდაცვის ცენტრის უკვე ყოფილ ხელმძღვანელს დავუკავშირდით: ”თქვენი აზრით, რომელი ჭკუათმყოფელი დატოვებდა სამსახურს, როცა ქვეყანაში ასეთი ვითარებაა? დანარჩენი თქვენ მიხვდით. 18 წელი ვმუშაობდი საზოგადოებრივი ჯანდაცვის ცენტრში. ახლა შინა მეურნეობას დავუბრუნდები. ჩემი ქვეყანა მიყვარს და მისთვის არაფერი მენანება. ”დამიჭირეს მკლავი მომჭრეს, რატომ კარგი აგიგიაო” –  ასეა ჩემი საქმე” – გვითხრა ლადო ჩხაიძემ.