თბილისის მერის, კახი კალაძის განცხადებით, რეაბილიტაციის გამო, ვარკეთილის მეტრო დაახლოებით 2 თვით დაიკეტება. ამის შესახებ მან დღეს თბილისის მთავრობის სხდომაზე განაცხადა.
მეტროს სარეაბილიტაციო სამუშაოებს “ბადა კონსტრაქშენი” შეასრულებს. პროექტის ღირებულება 13,4 მლნ ლარს შეადგენს.
“კომპანია სამუშაოებს დაიწყებს 9 თებერვალს, რაც განხორციელდება ყველა დადგენილი ნორმებითა და სტანდარტებით. სამუშაოების შესრულების ვადად განისაზღვრა 18 თვე. მომავალი წლის ზაფხულისთვის უნდა იყოს დასრულებული აღნიშნული პროექტი”, – თქვა კახი კალაძემ.
მეტრო ივნისი-აგვისტოს შუალედში დაიკეტება. დამატებითი დეტალები კი მოგვიანებით გახდება ცნობილი.
კალაძე ამბობს, რომ მეტროს დახურვის პერიოდში მერია ეცდება ამ მიმართულებით ავტობუსები დაამატოს.
ცნობისთვის, ვარკეთილის მეტროს სარეაბილიტაციო სამუშაოები წინა მერის, დავით ნარმანიას პერიოდშიც განხორციელდა. 2018 წლის 30 იანვარს მეტროსადგურ “ვარკეთილში” ე.წ. შეკიდული ჭერი ჩამოინგრა, რის გამოც 14 ადამიანი დაშავდა.
Loading ...
