რატომ იმყოფებოდა ეკატერინე ტიკარაძე გურიის რეგიონში

დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე გურიაში იმყოფება. მინისტრმა კამპანიის “ერთი თვე სამინისტროსთან ერთად” ფარგლებში ლანჩხუთში სტიქიური მოვლენების შედეგად დაზარალებული ოჯახი მოინახულა, რომელსაც სამინისტრომ სახლი შეუძინა.
წილოსანების ოჯახი ამ დრომდე ლანჩხუთში, სოფელ აცანაში ცხოვრობდა, სადაც მეწყრული მოვლენების გამო მათი სახლი საცხოვრებლად საფრთხის შემცველი გახდა. მას შემდეგ, რაც ოჯახმა ქალაქ ლანჩხუთში სხვა სახლი მოიძია, სამინისტრომ მისი შეძენა დააფინანსა.
ტიკარაძემ, ასევე, მოინახულა ოზურგეთსა და ჩოხატაურში მცხოვრები ეკომიგრანტების ოჯახები.
ბოლო ერთი წლის განმავლობაში უსაფრთხო გარემოში სტიქიური მოვლენების შედეგად დაზარალებული 176 ოჯახი დასახლდა. 2020 წლის ბოლომდე სააგენტო ეკომიგრანტი ოჯახებისთვის, დამატებით, 180 სახლს შეისყიდის.