ხმაური და დაპირისპირება ხარაგაულის მერიაში – ადგილზე “ნაციონალური მოძრაობის” ერთ-ერთი ლიდერი, ლევან ხაბეიშვილი, ჩავიდა და პასუხს ითხოვს, რატომ დაუნიშნეს ხარაგაულის საკრებულოს თავმჯდომარის მოადგილის ოჯახს სოციალური დახმარება, მაშინ, როცა დავით კიკნაძეს 4 000 -მდე ლარი აქვს.
ლევან ხაბეიშვილის განცხადებით, სახეზეა სისხლის სამართლის დანაშაული.
ადგილზე სიტუაცია მოქალაქეებსა და ანტიკორუფციული მოძრაობის წევრებს შორის რამდენჯერმე დაიძაბა. ისინი ერთმანეთს ფიზიკურად გაუსწორდნენ. მოქალაქეები და საკრებულოს წევრები მოძრაობის წარმომადგენლებს ხარაგაულიდან წასვლისკენ მოუწოდებენ. ადგილზე იმყოფებიან სამართალდამცველები. ხაბეიშვილის ადგილზე მისვლის შემდეგ ხარაგაულის მერიასთან სავარაუდოდ, “ქართული ოცნების” აქტივისტები გამოჩნდნენ და ოპოზიციის ინფორმაციით, პროვოკაციის მოწყობა სცადეს.
Loading ...