![](https://guria.tv/wp-content/uploads/2023/12/naxcebi.jpg)
ნაციონალური მოძრაობა კასპის საკრებულოს ექვსმა წევრმა დატოვა – პარტიიდან მიდის რაიონული ორგანიზაციის ოცამდე წევრიც.
ყველაა მათგანი მხარდაჭერას ნიკა მელიას უცხადებს.
პარტიის უკვე ყოფილი წევრები ამბობენ, რომ იმ შემთხვევაში, თუ ნიკა მელია პოლიტიკურ ბრძოლაში ჩაერთვება, მას შეუერთდებიან.
“ფრაქცია ერთიანი ნაციონალური მოძრაობის 8 წევრიდან 6 წევრი და რაიონული ორგანიზაციის სრული უმრავლესობა ვტოვებთ პარტია ერთიან ნაციონალურ მოძრაობას. ჩვენ არ ვაპირებთ მანდატების დატოვებას, ეს ასხამს ბიძინა ივანიშვილის წისქვილზე წყალს, ვინაიდან საკრებულოში აღარ იარსებებს ოპოზიციური ფრაქცია, მანდატები არ მოგვიპოვებია და არ მოუცია არც ლევან ხაბეიშვილს და არც პარტიის მენეჯმენტში მყოფ ადამიანებს. ჩვენ ვართ ჩვენი მუნიციპალიტეტის მოსახლეობის მიერ არჩეულები, შესაბამისად, ჩვენ გვაქვს პასუხისმგებლობა, გავაგრძელოთ ის პოლიტიკური, ოპოზიციური ბრძოლა, მათი კეთილდღეობის და ყოველდღიური საცხოვრისის გაუმჯობესებისთვის “- თქვა გიორგი შარიფაშვილმა.