რატომ არ მოხდა ხალხის მიერ მოწონებული პროექტები სოფლის მხარდაჭერის პროგრამის პრიორიტეტების ნუსხაში

ოზურგეთის საკრებულოს სხდომაზე კამათი სოფლის მხარდაჭერის პროგრამამ გამოიწვია. აღმოჩნდა, რომ მთელ რიგ სოფლებში მოსახლეობის პრიორიტეტი სულ სხვა პროექტი იყო, რომელიც ნუსხაში არ ასახულა. ნატანები, გურიანთა, დვაბზუ, ნაგომარი – ეს არასრული სიაა იმ სოფლებისა, სადაც ხალხის მიერ მოწონებული პროექტები პრიორიტეტების ნუსხაში არ ასახეს. მერიის ინფრასტრუქტურის სამსახურის წარმომადგენელი გოჩა აბაშმაძე ამბობს, რომ მოსახლეობის სურვილებს აუცილებლად გაითვალისწინებენ და ტექნიკური ხარვეზი გასწორდება. ოზურგეთის მუნიციპალიტეტის საკრებულომ მიუხედავად მთელი რიგი ხარვეზებისა და შენიშვნებისა საქართველოს რეგიონებში განსახორციელებელი პროექტების ფონდიდან სოფლის მხარდაჭერის პროგრამის ფარგლებში ოზურგეთის მუნიციპალიტეტისათვის გამოყოფილი თანხებისა და პროექტების განაწილების შესახებ განკარგულება მიიღო.