რას ყვებიან მოკლულის მეზობლები – ახალი დეტალები ნატანებიდან

ოზურგეთის მუნიციპალიტეტის სოფელ ნატანებში მამაკაცი მოკლეს. 55 წლის ამირან ფალავანდიშვილი მეზობლებმა სახლთან უკვე გარდაცვლილი დილით იპოვეს. მოკლულს ჭრილობა დანით ჰქონდა მიყენებული. როგორც მეზობლები ყვებიან, ფალავანდიშვილი შვილთან ერთად თბილისში ცხოვრობდა და ოზურგეთში ძმასთან სტუმრად ხშირად ჩამოდიოდა. მაშინ როცა მოკლული იპოვეს,შვილი მასთან არ იმყოფებოდა, მისი ადგილსამყოფელი მეზობლებისთვის უცნობია. გარდაცვლილს უკონფლიქტო ადამიანად ახასიათებენ. შინაგან საქმეთა სამინისტროს ინფორმაციით საქმე აღძრულია სისხლის სამართლის კოდექსის 108-ე მუხლით და მიმდინარეობს ინტენსიური საგამოძიებო მოქმედებები.