რას ითვალისწინებს აშშ-ის 28 პუნქტიანი სამშვიდობო გეგმა – უკრაინული მედია მის ძირითად დეტალებს აქვეყნებს

1. უკრაინის უსაფრთხოებისა და პოლიტიკური სტატუსი:

უკრაინის სუვერენიტეტის დადასტურება.

უკრაინა იღებს უსაფრთხოების გარანტიებს აშშ-ისგან, თუმცა გარკვეული პირობებით.

უკრაინა კონსტიტუციაში ამკვიდრებს ნეიტრალურ სტატუსს და ნატოზე უარს ამბობს; ნატო ადასტურებს, რომ უკრაინა ორგანიზაციის მუდმივი წევრი არ გახდება.

უკრაინის შეიარაღებული ძალების ზომა იზღუდება.

უკრაინა რჩება არა-ბირთვულ სახელმწიფოდ.

2. ტერიტორიული საკითხები:

ყირიმი, დონეცკი და ლუგანსკი ფაქტობრივად რუსეთად აღიარება.

ხერსონისა და ზაპოროჟიეს რეგიონები „იყინება“ არსებულ კონტაქტის ხაზზე.

ტერიტორიის ნაწილი ხდება დემილიტარიზებული ბუფერული ზონა რუსეთის ფაქტობრივი კონტროლით.

ორივე მხარე იღებს ვალდებულებას, ძალის გამოყენებით საზღვრები აღარ შეცვალოს.

3. სამხედრო შეთანხმებები:

ნატო არ განათავსებს სამხედროებს უკრაინაში.

ნატოს გამანადგურებლები განთავსდება პოლონეთში.

უსაფრთხოების დიალოგი აშშ–ნატო–რუსეთს შორის; ამერიკა–რუსეთის სამუშაო ჯგუფის შექმნა.

რუსეთი სამართლებრივად აფორმებს უკრაინასა და ევროპაზე აგრესიის დაუშვებლობის პოლიტიკას.

4. ეკონომიკური ბლოკი და უკრაინის აღდგენა:

აშშ და ევროპა იწყებენ მასშტაბურ საინვესტიციო პაკეტს უკრაინის აღსადგენად.

გაყინული რუსული აქტივებიდან 100 მილიარდი დოლარი უკრაინის აღდგენას მოხმარდება; მოგების 50% აშშ-ს დარჩება.

ევროპა დამატებით დაახლოებით 100 მილიარდს გამოყოფს.

სხვა გაყინული რუსული აქტივები ერთობლივ ამერიკულ–რუსულ პროექტებში ჩაიდება.

შეიქმნება უკრაინის განვითარების ფონდი — ინფრასტრუქტურაში, რესურსებში და ტექნოლოგიებში ინვესტირებისთვის.

5. რუსეთი გლობალურ სისტემაში:

სანქციების ეტაპობრივი მოხსნა.

რუსეთის დაბრუნება G8-ში.

აშშ-სა და რუსეთის ფედერაციას შორის გრძელვადიანი ეკონომიკური თანამშრომლობა.

6. ჰუმანიტარული საკითხები:

გაცვლა „ყველა-ყველაზე“ პრინციპით; მშვიდობიანი მოქალაქეების და ბავშვების დაბრუნება.

ჰუმანიტარული პროგრამები, ოჯახების გაერთიანება.

ტოლერანტობის საგანმანათლებლო პროგრამები.

„ნაცისტურ იდეოლოგიაზე“ უარის თქმა (როგორც დოკუმენტის პირობებში მითითებულია).

7. ენერგეტიკა და სპეციალური ობიექტები:

ზაპოროჟიეს ატომური ელექტროსადგურის ამოქმედება IAEA-ს ზედამხედველობით; გამომუშავებული ელექტროენერგიის 50/50 განაწილება უკრაინასა და რუსეთს შორის.

აშშ დაეხმარება უკრაინას ბუნებრივი აირის ინფრასტრუქტურის აღდგენაში.

8. შიდა პოლიტიკური პროცესები უკრაინაში:

არჩევნები შეთანხმების ხელმოწერიდან 100 დღის ვადაში.

ომის ყველა მონაწილეს სრული ამნისტია ენიჭება.

9. განხორციელება და კონტროლი:

შეთანხმებას აქვს სამართლებრივი სავალდებულო ძალა.

კონტროლს განახორციელებს „სამშვიდობო საბჭო“ დონალდ ტრამპის ხელმძღვანელობით.

დარღვევები გამოიწვევს სანქციებს.

ხელმოწერის შემდეგ — დაუყოვნებლივი ცეცხლის შეწყვეტა და შეთანხმებულ პოზიციებზე დაბრუნება.