რას ამბობს ომბუდსმენის წარმომადგენელი, რომელსაც პატიმარი ციხეში ყავით გაუმასპინძლდა

სახალხო დამცველის აპარატის ყოფილი წარმომადგენელი, ლევან მახარაშვილი, რომელიც საპატიმროში ჯინსებით შესვლის გამო, თეა წულუკიანმა პარლამენტში გააკრიტიკა, სოციალურ ქსელში მინისტრს პასუხობს.

მახარაშვილი მიმართვას სოციალური ქსელით ავრცელებს და წულუკიანს პატიმრებთან ერთად ყავის დალევის სხვა შემთხვევებზეც უყვება.

მახარაშვილის პოსტს უცვლელად გთავაზობთ:

“ბოდიშს ვუხდი საზოგადოებას !

ციხეში ხომ შევდივარ დახეული ჯინსებით, მაგრამ ამაზე სავალალო ის არის, რომ ხშირად ლექციებსაც ვატარებ დახეული ჯინსებით 

P.S. ქალბატონ თეას არ უთხრათ, მაგრამ როდესაც პროკურორი ვიყავი, პირადად მე (ასევე ჩემს გამომძიებლებს) ძალიან ხშირად მოგვიდუღებია ყავა ბრალდებულებითვის, თან საკუთარი ხელით (ყავის აპარატები მაშინ არ გვქონდა).

ერთადერთი ის მამშვიდებს, რომ თითქმის არასდროს მისარგებლია პენიტენციურ სისტემაში საპირფარეშოთი, ამას ვერავინ დამაყვედრის”.