მთავრობამ ჩოხატაურის, ოზურგეთის და ლანჩხუთის მუნიციპალიტეტებს უფლება მისცა მიმდინარე წლის თებერვალში მომხდარი სტიქიის შედეგად დაზიანებული სახლების სახურავების რეაბილიტაცია გამარტივებული შესყიდვით უზრუნველყოს.
როგორც 21 ივლისის განკარგულებებით ხდება ცნობილი, ჩოხატაურის მუნიციპალიტეტს საცხოვრებელი სახლების სახურავების სარეაბილიტაციო სამუშაოებისთვის 3 805 000 ლარის გამარტივებული შესყიდვის გამოცხადება შეუძლია. ლანჩხუთის მუნიციპალიტეტს კი დაზიანებული ინდივიდუალური და მრავალბინიანი საცხოვრებელი სახლების სახურავების შესაკეთებლად 7 365 000 ლარის გამარტივებულ შესყიდვის გამოცხადება შეუძლია. ხოლო ოზურგეთის მუნიციპალიტეტს – 14 175 000 ლარის სამუშაოების გამარტივებულად შესყიდვის უფლება მიეცა.
ცნობისთვის, მიმდინარე წლის თებერვალში გურიაში დიდთოვლობამ ათობით ოჯახი დააზარალა. სტიქიამ დააზიანა საცხოვრებელი სახლები და სხვა ინფრასტრუქტურა.
www.bm.ge
Loading ...