რამდენი გამოიმუშავა ხვიჩა კვარაცხელიას „პარი სენ-ჟერმენმა“ ჩემპიონთა ლიგის მოგებით

ხვიჩა კვარაცხელიას „პარი სენ-ჟერმენი“ ჩემპიონთა ლიგის გამარჯვებულია. „უეფა“-ს ჩემპიონთა ლიგის ფინალური მატჩი “პარი სენ-ჟერმენმა“ „ინტერთან” ანგარიშით 5:0 მოიგო.

აღსანიშნავია ისიც, რომ მატჩის ერთ-ერთი, მე-4 გოლი ქართველმა ფეხბურთელმა, ხვიჩა კვარაცხელიამ გაიტანა.

რამდენი გამოიმუშავა „პარი სენ-ჟერმენმა“ გამარჯვებით –

უეფას ჩემპიონთა ლიგის საპრიზო ფონდი საკლუბო ფეხბურთში ერთ-ერთი ყველაზე მომგებიანია და მისი ოდენობა წლიდან წლამდე იზრდება. Marca.com-ის ცნობით, 2025 წლის ფინალის სავარაუდო საპრიზო ფონდი დაახლოებით 250 მილიონ ევროს აღწევს.

უეფას ჩემპიონთა ლიგის 2024/25 წლების სეზონისთვის უეფამ ფულადი პრიზების განაწილება შემდეგნაირად განსაზღვრა:

• გამარჯვებული: 25 მილიონი ევრო (დაახლოებით 27 მილიონი აშშ დოლარი);
• მეორე ადგილის მფლობელი: 18.5 მილიონი ევრო (დაახლოებით 20.5 მილიონი აშშ დოლარი).

მნიშვნელოვანია აღინიშნოს, რომ გუნდები თანხას მხოლოდ მიღწეული ეტაპის მიხედვით არ იღებენ. ისინი ასევე დამატებით შემოსავალს იღებენ ჯგუფურ ეტაპზე თითოეული გამარჯვებისთვის, ფლეი-ოფში, მერვედფინალში, მეოთხედფინალში, ნახევარფინალში და ბოლოს, ფინალში გასვლისთვის. ეს ნიშნავს, რომ ტურნირის გამარჯვებულმა გუნდმა ჯამში შესაძლოა, 100 მილიონ დოლარზე მეტი გამოიმუშაოს.

ეს თანხები მოიცავს უეფას ფიქსირებულ ფულად პრიზებს, თუმცა კლუბის მთლიანი შემოსავალი შესაძლოა, გაცილებით მეტი იყოს ბონუსების, მაუწყებლობის უფლების, სასპონსორო შეთანხმებებისა და მატჩის დღეს შემოსული შემოსავლების მიხედვით.