რამდენი ავტომობილია რეგისტრირებული გურიაში

სტატისტიკის ეროვნული სამსახურის მონაცემებით, საქართველოში 1 914 908 ავტომობილია რეგისტრირებული.

აღსანიშნავია, რომ ამავე მონაცემებზე დაყრდნობით თუ ვიმსჯელებთ, ქვეყანაში რეგისტრირებული ავტომობილების რაოდენობის კუთხით უპირობოდ ლიდერობს დედაქალაქი. თბილისში მანქანების საერთო რაოდენობის 46%-ია რეგისტრირებული, მას კი მოსდევს იმერეთი 11%-იანი მაჩვენებლით.

უფრო კონკრეტულად, სტატისტიკის ეროვნული სამსახურის მონაცემების თანახმად, რეგიონების მიხედვით რეგისტრირებული ავტომობილების რაოდენობის განაწილება ასე გამოიყურება:

• თბილისი – 882 418 ერთეული;
• იმერეთი – 213 316 ერთეული;
• ქვემო ქართლი – 165 126 ერთეული;
• კახეთი – 152 259 ერთეული;
• აჭარა – 131 187 ერთეული;
• სამეგრელო-ზემო სვანეთი – 108 411 ერთეული;
• შიდა ქართლი – 97 310 ერთეული;
• სამცხე-ჯავახეთი – 67 364 ერთეული;
• მცხეთა-მთიანეთი – 45 367 ერთეული;
• გურია – 40 749 ერთეული;
• რაჭა-ლეჩხუმი და ქვემო სვანეთი – 11 401 ერთეული.

რაც შეეხება მარკების მიხედვით მონაცემებს, საქართველოში რეგისტრირებული ავტომობილების 12% Mercedes-Benz-ის ბრენდისაა. უფრო კონკრეტულად, ამ მარკის ავტომობილების რაოდენობა 229 229-ს შეადგენს. ამასთანავე, ეს მონაცემები აჩვენებს, რომ ქვეყანაში რეგისტრირებული ყოველი მე-8 ავტომობილი Mercedes-Benz-ია.

შენიშვნა: მომსახურების სააგენტოს რეალურ დროში მონაცემების მიხედვით, ქვეყანაში რეგისტრირებული ავტომობილების რაოდენობამ 2 013 500 ერთეულს გადააჭარბა. ამავე მონაცემებზე დაკვირვება აჩვენებს, რომ საქართველოში ყოველდღიურად საშუალოდ, 600-მდე ავტომობილი რეგისტრირდება.

www.bpn.ge