ისრაელის ჯანდაცვის სამინისტრო “მაკაბის ჯანდაცვის სერვისების” (Maccabi Healthcare Services) მონაცემებზე დაყრდნობით აცხადებს, რომ Pfizer-ის მიერ შექმნილი ვაქცინის ორივე დოზით 163,000 ადამიანი აცრეს, მათგან ვირუსით მხოლოდ 31 ადამიანი დაინფიცირდა. ამის შესახებ ინფორმაციას ადგილობრივი მედია Times of Israel-ი ავრცელებს.
გამოცემის მიხედვით, ჯანდაცვის უწყება ასევე აღნიშნავს, რომ ვაქცინა 92%-ით ეფექტურია კორონავირუსის წინააღმდეგ.
აღსანიშნავია, რომ 31-ვე ინფიცირებული სახლში მკურნალობს და მათ ვირუსის მხოლოდ მსუბუქი სიმპტომები აქვთ, როგორიცაა მაგალითად, თავის ტკივილი.
ცნობისთვის, ისრაელში დღეში საშუალოდ 200,000 ადამიანის ვაქცინაცია ხდება. ამ კვირაში 35 წელს გადაცილებული ადამიანების აცრა მიმდინარეობს.
www.bm.ge
კომენტარები
Loading ...
