13 სექტემბერს ჟან-ლუკ გოდარი გარდაიცვალა. აქამდე უცნობი იყო რეჟისორის სიკვდილის ზუსტი მიზეზი. გოდარის წარმომადგენლის განმარტებით გოდარმა სიცოცხლე ევთანაზიით დაასრულა.
“მან შვეიცარიაში(შვეიცარიაში ევთანაზია ლეგალურია), ლეგალური გზით სიცოცხლის დასრულება გადაწყვიტა, მას რამდენიმე დაავადება აწუხებდა”. – ამბობს გოდარის წარმომადგენელი.
ფრანგული გამოცემა Liberation ოჯახის წევრზე დაყრდნობით წერს, რომ რეჟისორი ავად არ იყო:
“ის არ იყო ავად, უბრალოდ გამოიფიტა და დაიღალა. მისთვის მნიშვნელოვანი იყო ეს გადაწყვეტილება საზოგადოებისთვის ემცნო”.
2014 წელს კანის საერთაშორისო ფესტივალზე გოდარმა ევთანაზიის შესახება ასე ილაპარაკა:
“თუ ძალიან ავად ვიქნები, საერთოდ არ მაქვს სურვილი ეტლით მაგორაონ აქეთ-იქეთ, მირჩევნია საკუთარი ნებით დავასრულო ყველაფერი”.
გოდარი ფრანგული და მსოფლიო კინოს ერთ-ერთი ყველაზე მნიშვნელოვანი წარმომადგენელი იყო. 50-იან წლებში დაარსა ჟურნალი Cahiers du Cinéma, სახელი გაითქვა, როგორც კინოკრიტიკოსმა. 1960 წელს ფილმი Breathless-ით სათავე დაუდო ე.წ. ახალ ტალღას – კინოს ისტორიაში ერთ-ერთ ყველაზე მნიშვნელოვან და გავლენიან მიმდინარეობას. გადაღებული აქვს ფილმები My Life to Live, Contempt, Pierrot le Fou, A Woman Is a Woman და Histoire(s) du cinéma.
Loading ...