პრობლემა რომელიც ყველას აწუხებს, მაგრამ ცოტა თუ ცდილობს მის მოგვარებას

გარემოს დაბინძურება გლობალური პრობლემაა, რომლის მოგვარებას დიდი დრო და ძალისხმევა სჭირდება. გარემოს აქტიური დაბინძურება გურიის სოფლებშიც შეინიშნება. ცენტრალური გზის მიმდებარედ გვხდება განზრახ დაყრილი ნაგავი, ხოლო მდინარეების პირას და საცხოვრებელი ზონიდან მოშორებით ვხდებით ხელოვნურ ნაგავსაყრელებს, სადაც ათავსებენ საყოფაცხოვრებო ნარჩენებს. მიუხედავად იმისა, რომ სოფლებში მოთავსებულია სანაგვე ურნები, მოსახლეობა ნაგვის დაყრას შუა ქუჩაში ან ურნის მიმდებარედ არჩევს.

ჩვენ დავინტერესდით რა ხდება ამ კუთხით ლანჩხუთის მუნიციპალიტეტის ჩოჩახთის თემში და როგორ უყურებს თემის ახალგაზრდები ამ პრობლემას. ამ მიზნით გავესაუბრეთ სოფელ ჩოჩხათის მკვიდრს ნიკოლოზ მარშანიშვილს.

• რამდენად აქტუალურია თქვენს თემში გარემოს დაბინძურების პრობლემა? – დღესდღეობის ჩვენს სოფელში და საერთოდ თემში გარემოს დანაგვიანება ინტენსიურად მიმდინარეობს.

• თქვენი აზრით რა განაპირობებს ამ პრობლემას? – ძირითადი გამომწვევი მიზეზი ნაგვის ყუთების ნაკლებობაა, თუმცა ეს საკითხი ხალხის თვითშეგნებაზეცაა დამოკიდებული..

• თქვენ თემში თუ კეთდება ისეთი რამ რაც შეუწყობს ამ პრობლემის მოგვარებას? – დიახ, სოფლებში დაიდგა როგორც პლასტმასის ისე ალუმინის ნაგვის ურნები;

• რამდენად ერთვებიან ახალგაზრდები ისეთ პროექტებში სადაც განხილულია ეს პრობლემა და გადაჭრის გზები? – პანდემიამდე აქტიურად ტარდებოდა მოხალისეობრივი აქტივობები და ვორქშოპები, სამწუხაროდ ამჟამად რეგულაციებიდან გამომდინარე ვერ ხერხდება.

• თქვენი აზრით რა უნდა გაკეთდეს იმისთვის რომ ეს პრობლემა მოგვარდეს? – ჩემი აზრით, თემის ყველა სოფელში შეძლებისდაგვარად უნდა დაიდგას ნაგვის ურნები, რომელიც ხელს შეუწყობს გარემოს დაცვას და რაც მთავარია ამაღლდეს საზოგადოებრივი პასუხისმგებლობა.  ბუნება, რომელსაც ისინი ანაგვიანებენ ჩვენი საარსებო გარემოა, რომლის სიჯანსაღეზეა დამოკიდებული ჩვენი ჯანმრთელობა… მოვუწოდებ მათ, რომ გამოიჩინონ საზოგადოებრივი პასუხისმგებლობა და მაქსიმალურად გაუფრთხილდნენ გარემოს.

მასალა პროექტის “ჩვენ ვირჩევთ, ჩვენ ვაკონტროლებთ” ფარგლებში, ახალგაზრდა რეპორტიორმა დიმიტრი მოდებაძემ  მოამზადა.

Funded through the Alumni Grants Program, U.S. Embassy in Georgia/დაფინანსებულია საქართველოში აშშ–ის საელჩოს ალუმნი საგრანტო პროგრამის ფარგლებში.