პრეზიდენტმა ტრამპმა ევროპიდან აშშ-ში ჩასვლა შეზღუდა

კორონავირუსის COVID-19 გავრცელების შესაჩერებლად 30 დღით აიკრძალება ევროპიდან აშშ-ში ჩასვლა.

გადაწყვეტილება, რომელიც პრეზიდენტმა დონალდ ტრამპმა გამოაცხადა, 13 მარტიდან ამოქმედდება და არ შეეხება მხოლოდ დიდ ბრიტანეთს და ევროპაში მყოფ ამერიკელებს, რომლებმაც შესაბამისი გამოკვლევა ჩაიტარეს.

11 მარტს, მოქალაქეებისადმი მიმართვისას ტრამპმა თქვა, რომ ჩინეთში ეპიდაფეთქების საპასუხოდ, აშშ-ის ხელისუფლებამ ეფექტურად იმოქმედა, ევროკავშირმა კი ვერ შეძლო პრევენციული ზომების მიღება და ჩინეთიდან და სხვა სარისკო ზონებიდან მიმოსვლის შეზღუდვა.

დონალდ ტრამპის განცხადებით, აშშ-ში ახალი სახეობის ვირუსით დაავადების შემთხვევების უმრავლესობა ევროპაში მოგზაურობას უკავშირდება.

აშშ-ის პრეზიდენტის განკარგულებით, ქვეყანაში ჩასვლა ეკრძალებათ უცხოელებს, რომლებიც აშშ-ში დაგეგმილ ვიზიტამდე 14 დღის განმავლობაში ევროპის სახელმწიფოებში იმყოფებოდნენ.

12 მარტის დილის მონაცემებით, აშშ-ში დაავადდა სულ 1329 ადამიანი. მათგან 28 ახალი შემთხვევაა. გარდაცვლილია 38. გამოჯანმრთელდა 15.

www.radiotavisupleba.ge