საქართველოს პრეზიდენტმა, სალომე ზურაბიშვილმა საოკუპაციო ხაზს მიღმა დარჩენილი დათა ვანიშვილი სამოქალაქო თავდადებისათვის მედლით დააჯილდოვა. დაჯილდოება პრეზიდენტის სასახლეში დღეს, 9 აპრილს საქართველოს დამოუკიდებლობის აღდგენის 30 წლისთავისადმი მიძღვნილი ღონისძიების ფარგლებში გაიმართა.
ვანიშვილს ჯილდო გარდაცვალების შემდეგ გადაეცა. ჯილდოს მისი ოჯახის წევრები მიიღებენ.
ბოლო 10 წლის განმავლობაში, დათა ვანიშვილი ცოლთან ერთად ცხოვრობდა მავთულხლართებით გაყოფილ საკუთარ მიწაზე, რომლის ერთ ნაწილში მისი სახლი მოექცა, მეორე ნაწილში კი ნაკვეთი, რომელსაც ათწლეულების განმავლობაში ამუშავებდა. არაერთი შეთავაზების მიუხედავად, მოხუცი უარს ამბობდა საკუთარი სახლის დატოვებაზე.
ოკუპაციასთან ბრძოლის ერთ-ერთ სიმბოლოდ ქცეული დათა ვანიშვილი 19 მარტს გარდაიცვალა. იგი ხურვალეთის ოკუპირებულ ნაწილში მდებარე სასაფლაოზე დაკრძალეს.
Loading ...