პრეზიდენტი: მინდა მაგალითი მოგცეთ – დაბადების დღეს არ ვიხდი, ამის დრო არ არის

“მე მინდა, ამ მიმართვით იმის მაგალითი მოგცეთ, რომ მე დღეს არც მეგობრები არ მყავს სახლში და არც ვიხდი დაბადების დღეს. ეს უნდა შევიგნოთ, რომ დღეს არ არის დრო არც დაბადების დღის გადახდის, არც, სამწუხაროდ ქელეხის, არც ქორწილის, ეს ყველაფერი უნდა გადავდოთ ცოტა ხნით და მერე ბევრად უფრო სხვანაირად გადავიხდით ყველაფერს, რაც საჭირო არის, მაგრამ დღეს არა.

დღეს არც მეგობრებთან არ უნდა შეიკრიბოთ, ეს არის ჩვენი ვალდებულება მეგობრების მიმართ, რომ იმათ არ შევუქმნათ რამე საფრთხე. ნებისმიერი ჩვენთაგანი, ისე, რომ არც ვიცით, შეიძლება, ვიყოთ გადამდები, შეიძლება, ჩვენ ვატარებდეთ ამ ვირუსს, ასე რომ ძალიან უნდა გავუფრთხილეთ ჩვენს ახლობლებს, ოჯახს, მეზობელს და ჩვენი ქვეყნის ყველა მკვიდრს, ჩვენ ვართ ყველაზე პასუხისმგებელი ”.