საქართველოს პრეზიდენტის, სალომე ზურაბიშვილის განცხადებით, ლაზარე გრიგორიადისს შეიწყალებს. ამის შესახებ სალომე ზურაბიშვილმა “ტვ პირველთან” ინტერვიუში განაცხადა.
“ლაზარე გრიგორიადისის შეწყალების [გადაწყვეტილება] მე მივიღე დღეს დილით, 10 საათზე, არ დაველოდე არც არავის მოწოდებას, ასე რომ ვერავინ ვერ ჩაითვლის ქულებს, არც რაღაც მუქარებს, მე ჩემი სინდისის წინაშე ჩავთვალე, რომ არ შეიძლება, ეს ახალგაზრდა 9 წლით დაისაჯოს.
ხელი ჯერ არ მომიწერია, არის პროცედურები, მაგრამ გადაწყვეტილება იყო მიღებული ყველანაირი გამოთქმული აზრის გარეშე, მე ჩემს თავთან ერთად და ამაზე ვფიქრობ რამდენიმე დღეა, თუმცა, სანამ არ იქნებოდა გამამტყუნებელი განაჩენი, ვერაფერს ვერ გადავწყვეტდი. გადავწყვიტე ათ საათსა და რამდენიმე წუთზე.”
თბილისის საქალაქო სასამართლოს მოსამართლის, ზვიად შარაძის გადაწყვეტილებით, ლაზარე გრიგორიადისს თავისუფლების 9 წლით აღკვეთა მიესაჯა.
Loading ...
