გამოცემა Bild-ის მიერ გავრცელებული ინფორმაციით, რუსეთის ვორონეჟის ოლქის სკოლებში ბელარუსელმა ე.წ. “პრანკერმა” მმართველი პარტია “ერთიანი რუსეთის” სახელით წერილები გაგზავნა და მასწავლებლებს “NATO-ს სატელიტური რადიაციისგან” დასაცავად თუნუქის ფოლგის ქუდების დამზადება მოსთხოვა.
გამოცემის ცნობით, სკოლებში გაგზავნილ წერილში ქვეყნიდან გაძევებული ბელარუსელი ვლადისლავ ბოხანი ამტკიცებდა, რომ იგი პუტინის პარტია “ერთიანი რუსეთის” მაღალჩინოსანი იყო. ბოხანმა სკოლების მასწავლებლებს მათთვის და მათი მოსწავლეებისთვის ფოლგის ქუდების დამზადება მოსთხოვა, “რათა სამოქალაქო თავდაცვის მხრივ პატრიოტიზმი და შეიარაღებულ ძალებთან თანამშრომლობის უნარი გაძლიერებულიყო”, და ასევე “NATO-ს სატელიტების მტრული რადიაციისგან თავი დაეცვათ”.
შედეგად, Bild-ის ინფორმაციით, შვიდმა სკოლამ ბოხანს პუტინისა და მისი პარტიისადმი პატრიოტული სამსახურის მტკიცებულებად სურათები და ვიდეოები გამოუგზავნა, რომლებშიც მათი მხრიდან ფოლგის ქუდების დამზადების პროცესია ასახული.
თუნუქის ფოლგისგან დამზადებული ქუდის (ინგლისურად Tin foil hat) პოპულარული სტერეოტიპი იმ ადამიანებს მიემართება, რომლებსაც ფსევდომეცნიერებისა და შეთქმულების თეორიების სჯერათ, რადგან ასეთი ქუდის მტარებლების წარმოდგენაში, თუნუქის ფოლგა მათ ტვინს “ელექტრომაგნიტური ველებისგან”, “გონების კონტროლისგან” და სხვების მხრიდან მათი “გონების წაკითხვისგან” იცავს.
A prankster sent a letter to schools in the Voronezh region of Russia under the guise of a demand from the ruling 'United Russia' party to make and wear tinfoil hats to protect against NATO satellite radiation.
7 schools complied with the demand, 2 of them involved children in… pic.twitter.com/GmNr9rzF9M
— Special Kherson Cat 🐈🇺🇦 (@bayraktar_1love) November 9, 2024
Loading ...
