პორტუგალიის პრეზიდენტმა, მარსელუ რებელუ დი სოუზამ კორონავირუსით დაავადების ეჭვის გამო, საკუთარი ნებით გადაწყვიტა კარანტინის რეჟიმი დაიცვას.
პრეზიდენტი უახლოესი ორი კვირის განმავლობაში არ მიიღებს მონაწილეობას საჯარო ღონისძიებებსა და შეხვედრებში. გასულ კვირაში დე სოუზა პორტუგალიის ჩრდილოეთში იმყოფებოდა ერთ-ერთ სკოლაში, სადაც მოგვიანებით დადასტურდა კორონავირუსით COVID-19 დაავადების შემთხვევა.
პორტუგალიის პრეზიდენტის ოფიციალურ საიტზე გამოქვეყნებულ განცხადებაში ნათქვამია, რომ უშუალოდ დაავადებულ მოსწავლეს და მის თანაკლასელებს პრეზიდენტთან შეხვედრაში მონაწილეობა არ მიუღიათ და დე სოუზას არც რაიმე სიმპტომები აქვს, მაგრამ ნებაყოფლობით გადაწყვიტა დაიცვას პორტუგალიის ჯანდაცვის სამინისტროს მოთხოვნა თვითიზოლაციის შესახებ და ამით სხვებსაც კარგი მაგალითი მისცეს.
9 მარტის დილის მონაცემებით, პორტუგალიაში დადასტურებულია კორონავირუსით დაავადების 30 შემთხვევა.
Loading ...