სურსათის უვნებლობის სპეციალისტი ირაკლი არაბული „პრაიმტაიმთან“ ამბობს, რომ პომიდორის ზოგიერთ ჯიშს პოლარული დათვის გენი აქვს გადანერგილი.
„პომიდორის ზოგიერთ ჯიშს პოლარული დათვის გენი აქვს გადანერგილი. ჩვენს ბაზარზე შესაძლოა შემოვიდეს ისეთი ჯიშის თესლი, რომელიც უკვე გენმოდიფიცირებულია. პომიდორის შემთხვევაში პოლარული დათვის გენის გადანერგვა იმის გამო მოხდა, რომ პროდუქტი ყინვისადმი უფრო მდგრადი ყოფილიყო.
გენმოდიფიცირებული პროდუქტი აკრძალული არ არის და ჩვეულებრივ გამოიყენება — უბრალოდ, მას აუცილებლად უნდა ჰქონდეს შესაბამისი აღნიშვნა. მაგალითად, თუ რომელიმე პროდუქტში 0.9%-ზე მეტია GMO-ს შემცველობა, ეტიკეტზე აუცილებლად უნდა იყოს დატანილი ინფორმაცია.
მომხმარებელი ფიზიკურად ვერ გაარჩევს, გენმოდიფიცირებულია თუ არა პროდუქტი — მწარმოებელმა უნდა მიუთითოს ეს ეტიკეტზე. ზოგს ჰგონია, რომ თუ პროდუქტი ვიზუალურად კარგად გამოიყურება, ის აუცილებლად გენმოდიფიცირებულია. შესაძლოა ასეც იყოს, თუმცა მხოლოდ ვიზუალით ამის გარჩევა გამორიცხულია.
შესაძლოა, ჩვენთანაც ხდებოდეს ასეთი პროდუქციის რეალიზაცია, თუმცა დაზუსტებით ვერ გეტყვით“, — ამბობს ირაკლი არაბული.
Loading ...