პოლონელი პარლამენტარი აქციის მონაწილეებს – ვისაც უნდა თქვენი ხმები და თავისუფლება მოიპაროს, გავიმეორებთ უკრაინელი ჯარისკაცების სიტყვებს – ეს არის ჩვენი პასუხი პუტინს, ჩვენ გავიმარჯვებთ!

მათთვის, ვისაც უნდა, რომ მოიპაროს თქვენი არჩევნები, ვისაც უნდა თქვენი ხმები და თქვენი თავისუფლება მოიპაროს, ჩვენ გავიმეორებთ უკრაინელი ჯარისკაცების სიტყვებს – “Русский военный корабль…” – არავინ უნდა გაბედოს თქვენი ხმების მოპარვა, საქართველო იქნება თავისუფალი, – ამის შესახებ პოლონეთის პარლამენტის საგარეო ურთიერთობათა და ევროკავშირის საქმეთა კომიტეტის წევრმა მიჰაუ კამინსკიმ რუსთაველის გამზირზე მიმდინარე აქციაზე სიტყვით გამოსვლისას განაცხადა.

კამინსკის თქმით, საქართველო გაიმარჯვებს.

მან სიტყვით გამოსვლისას, ასევე, გაიხსენა, რომ აგვისტოს ომის დროს რუსთაველზე, პრეზიდენტ მიხეილ სააკაშვილთან ერთად იდგა და აღნიშნა, რომ ის თავისუფალი უნდა იყოს.

“მიყვარხარ, საქართველო! მიყვარხარ, თბილოსო! აქ ვიდექი თქვენს დიდებულ პრეზიდენტ სააკაშვილთან და ყოველთვის დიდებულ პრეზიდენტ ლეხ კაჩისკისთან ერთად. აქ ვიდექით, როდესაც რუსული ტანკები თბილისს უახლოვდებოდნენ და თბილისი გადარჩა! საქართველო გადარჩა! საქართველო გადაურჩა რუსულ აგრესიას.

მე მქონდა ოცნება, მე მქონდა ნამდვილი ქართული ოცნება, რომ თქვენი ქვეყანა ევროპაში ყოფილიყო, სავსე ყოფილიყავით თავისუფლებით და სიყვარულით. ეს არის ჩემი ქართული ოცნება, თქვენი ქართული ოცნება და თქვენ გაიმარჯვებთ!

მათთვის, ვისაც უნდა, რომ მოიპაროს თქვენი არჩევნები, ვისაც უნდა თქვენი ხმები და თქვენი თავისუფლება მოიპაროს, ჩვენ გავიმეორებთ უკრაინელი ჯარისკაცების სიტყვებს – “Русский военный корабль…”.

ეს არის ჩვენი პასუხი პუტინს, ეს არის ჩვენი პასუხი რუსეთს. ჩვენ გავიმარჯვებთ! საქართველო იქნება ევროპაში. არავინ უნდა გაბედოს თქვენი ხმების და თავისუფლების მოპარვა.

საქართველო იქნება თავისუფალი.

მიშა სააკაშვილი უნდა იყოს თავისუფალი!”,- განაცხადა კამინსკიმ.