პოლონეთში ხანდაზმულებისთვის თანხის გამოძალვის ბრალდებით საქართველოს მოქალაქე დააკავეს

პოლონელმა სამართალდამცველებმა დანაშაულებრივი ჯგუფის წევრები დააკავეს, რომლებიც ხანდაზმულებს თანხას მოტყუებით სძალავდნენ.

4 დაკავებულიდან ერთ-ერთი საქართველოს მოქალაქეა.

44 წლის ქართველი თაღლითობის ორ ეპიზოდშია ბრალდებული, როდესაც დანაშაულებრივი ჯგუფი მუხუცებს ქალაქ ტანროვში 25 000 პოლონურ ზლოტს (14 700 ლარი) და ქალაქ ვაგროვიეცში 220 000 პოლონურ ზლოტს (130 000 ლარი) სძალავდა.

ოთხივე დაკავებულს ბრალი თაღლითობის მუხლით წაუყენეს. მათ 8 წლამდე თავისუფლების აღკვეთა ემუქრებათ.

პოლიცია სხვა ეჭვმიტანილებს იდენტიფიცირებასა და შემდგომ დაკავებას არ გამორიცხავს.

კომენტარები