პოლონეთში, საქართველოს ორი მოქალაქე დააკავეს 21 წლის ბიჭის მკვლელობისთვის

პოლონეთში, ქალაქ ვროცლავში, ორმა უცხოელმა 21 წლის ბიჭი სასიკვდილოდ დაჭრა. პოლონური მედია წერს, რომ პოლიციამ საქართველოს ორი მოქალაქე დააკავა.

“შემთხვევა 27 იანვარს, დაახლოებით დილის 05:00 საათზე მოხდა. ჯერჯერობით უცნობია, რამ გამოიწვია დაპირისპირება, რომელიც ტრაგედიით დასრულდა. დაზუსტებით მხოლოდ ისაა ცნობილი, რომ ქალაქ ზლოტორიას მკვიდრ კაცთან ჩხუბში ორი ქართველი იყო ჩართული. ერთ-ერთმა მათგანმა გამოიყენა ბასრი ნივთი, სავარაუდოდ დანა, და კაცი დაჭრა“, – წერს მედიასაშუალება.

მომხდარის დეტალების დასადგენად, მიმდინარეობს გამოძიება.