პოლონეთში ორი ქართველი დააკაცეს, მათ კაცის ცემა და გაძარცვა ედებათ ბრალად

პოლონეთის ქალაქ სოსნოვეცში საქართველოს ორი მოქალაქე დააკავეს. როგორც პოლონური მედია წერს, ქართველებმა 30 წლის კაცს სასტუმროში ჯერ სცემეს, შემდეგ კი ტელეფონები წაართვეს.

დაზარალებულმა პოლიციას მიმართა. მისი თქმით, ჰოსტელის ნომერში მასთან ორი პირი შეიჭრა და თანხა მოსთხოვა, უარის მიღების შემდეგ კი სცემეს და ორი ცალი ტელეფონი წაართვეს.

პოლიციამ დამნაშავეებს სავარაუდოდ სწორედ ნაძარცვი ტელეფონების საშუალებით მიაგნო და იმავე დღეს დააკავა.

ნივთმტკიცებად ამოღებულია წართმეული ტელეფონები, დანაშაული კი 12 წლიან პატიმრობას ითვალისწინებს.

მედია აქვეყნებს კადრებს, რომელიც ჰოსტელთან დამონტაჟებულმა სათვალთვალო კამერამ დააფიქსირა და სადაც ჩანს, როგორ შედიან სავარაუდო დამნაშავეები შენობაში. ერთ-ერთს ხელში ჯოხი უჭირავს, მეორე კი ნიღაბს იკეთებს.