პოლონეთში, კოსმეტიკასა და ველოსიპედის ქურდობის ფაქტზე საქართველოს მოქალაქე დააკავეს

პოლონელმა სამართალდამცავებმა საქართველო 46 წლის მოქალაქე დააკავეს, რომელიც მოპარული კოსმეტიკით ვაჭრობდა, – ინფორმაციას ადგილობრივი მედია ავრცელებს.

მათივე ინფორმაციით, მამაკაცმა აპრილსა და მაისში სხვადასხვა ბრენდის კოსმეტიკა მოიპარა, ზარალის მთლიანმა ღირებულებამ თითქმის 9 300 პოლონური ზლოტი შეადგინა.

გამომძიებლების განმარტებით, დაკავებული მოპარულ ნივთებს ბაზრობებზე ჰყიდდა. ამასთან, ეჭვმიტანილმა კოსმეტიკური საშუალებების გარდა ველოსიპედიც მოიპარა, რომლის ღირებულება 1 200 პოლონურ ზლოტს შეადგენდა.

ბრალის დამტკიცების შემთხვევაში მას 7.5 წლამდე თავისუფლების აღკვეთა ემუქრება.