სამართლებრივი დავა პლასტიკური ქირურგის წინააღმდეგ – დაზარალებული პაციენტი ამტკიცებს, რომ ექიმმა კონსტანტინე სულამანიძემ მას მკერდის პლასტიკური ოპერაცია არასწორად ჩაუტარა და ამიტომ ზიანის ანაზღაურებას ითხოვს.
როგორც ირკვევა, კლინიკა ,,ტოტალ შარმში” ქალს პირველი ოპერაცია 2021 წელს ჩაუტარეს, თუმცა პაციენტს მალევე დაეწყო მკერდის ასიმეტრია, ამიტომ მას მეორე ოპერაციაც დასჭირდა, რომელიც ასევე უშედეგო აღმოჩნდა.
დაზარალებულის ადვოკატის ინფორმაციით, კლინიკაში მას მესამე ოპერაციის ჩატარება შესთავაზეს, რაზეც ქალი არ დათანხმდა. ამჯერად ის მძიმე მდგომარეობაში იმყოფება და მკურნალობის კურსს გადის.
ქალბატონმა სარძევე ჯირკვლის მიმართულებით ჩაიტარა ოპერაცია, რაც უშედეგო აღმოჩნდა, დასჭირდა განმეორებითი ოპერაცია, რამაც ასევე შედეგი ვერ გამოიღო.
ინფორმირებული თანხმობის მიუხედავად დადგა არასასურველი შედეგი, რომლის შესახებაც კლინიკისა და ექიმის მხრიდან ქალბატონი ინფორმირებული არ იქნა, გახდა საჯარო სივრცეში განხილვის საგანი, თავად ექიმი არაერთხელ გამოეხმაურა ამ შემთხვევას როგორც სატელევიზიო, ასევე სოციალურ სივრცეში. საბოლოოდ, მან აღიარა დაშვებული შეცდომა – განაცხადა პაციენტის ადვოკატმა, არჩილ კაიკაციშვილმა.
Loading ...
